အမျိုးသားစာပေဆုရရှိသွားတဲ့ဆရာညီပုလေး
ဆရာညီပုလေးဆိုတာမြန်မာနိုင်ငံစာပေသမိုင်းမှာချန်လှပ်
လို့မရတဲ့လူထုမိသားစုကပါ။ဝတ္ထုတိုတွေရေးသားရာမှာ
ထူးချွန်လွန်းလှပြီးမိဘနှစ်ပါးဖြစ်တဲ့လူထုဒေါ်အမာနဲ့လူထုဦးလှ
ရဲ့စာပေမျိုးဆက်ပါ။ဆရာဟာဝတ္ထုတိုပေါင်းများစွာကို
ရေးဖွဲ့ပြီးရသစာပေကိုဦးဆောင်သူတပ်ဦးကစာရေးဆရာ
တစ်ယောက်လည်းဖြစ်ပါတယ်။"မြေးသူကြီး"ဟာ
ဆရာ ရဲ့အထင်ရှားဆုံးလက်ရာတစ်ခုဖြစ်ခဲ့ပြီး
အခုအမျိုးသားစာပေဆုရတဲ့ထက်မြက်တဲ့ဓားသွား
ပေါ်ကချိုမြမြပျားရည်စက်ဟာစံချိန်ထပ်ချိုးသွားပါပြီ။
ဆရာညီပုလေးကဒီဆုကိုရတဲ့အချိန်မှာအဖေတို့အမေတို့
အကိုတို့ကိုသတိရတယ်လို့သူ့ရဲ့လူမှုကွန်ယက်မှာ
ရေးသားခဲ့ပါတယ်။စာကတစ်ကြောင်းတည်းပေမယ့်လည်း
ရင်ထဲကိုထိရှစေခဲ့တဲ့စကားတစ်ရပ်ပါ။ထက်မြက်တဲ့ဓားသွားပေါ်ကချိုမြမြပျားရည်စက်ဝတ္ထုဟာ
နာဂသိန်းလှိုင်လို့အမည်ရတဲ့ဆရာဝန်ကြီးတစ်ယောက်ရဲ့
အကြောင်းပါ။နာဂသိန်းလှိုင်ဟာမေတ္တာရှင်ဆရာ
ဝန်ကြီးတွေဖြစ်တဲ့အဲဘတ်ရွိွုင်ဇာတို့ ဒေါက်တာ
နော်မန်ဗက်သွန်းတို့လို့ဆရာဝန်ကြီးတစ်ဦးပါ။
ဝေးလံခေါင်သီလှတဲ့နာဂဒေသမှာသူ့ဘဝကို
မြုပ်နှံခဲ့တဲ့ဆရာဝန်ကြီးတစ်ယောက်အကြောင်း
ဆရာညီပုလေးကတကယ့်အဖြစ်အပျက်ကိုစာပန်းချီ
ခြယ်သပြခဲ့တာပါ။နာဂတောင်တန်းတွေပေါ်မှာတစ်တောင်
တက်တစ်တောင်ဆင်းနဲ့လူနာတွေကိုလိုက်လံကုသပေးခခဲ့တဲ့
ဒေါက်တာသိန်းလှိုင်ကိုနာဂလူမျိုးတွေကနတ်ဘုရား
တစ်ပါးလိုကိုသတ်မှတ်ထားခဲ့ကြတာပါ။နာဂသိန်းလှိုင်
ကြုံတွေ့ရတဲ့အခက်အခဲတွေ၊သူရဲကောင်းဆန်တဲ့စွန့်လွတ်မှုတွေကိုရေးဖွဲ့ခဲ့တဲ့ဒီဝတ္ထုဟာအမျိုးသားစာပေဆုကိုထိုက်တန်စွာရရှိခဲ့ပါတယ်။
agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။