တစ်ချိန်က အနုပညာလောကမှာ နေရာတစ်နေရာရခဲ့ပြီး ပရိသတ်လက်ခံအားပေးခဲ့တဲ့ မင်းသား ဥက္ကာမင်းမောင်ဟာ ယခုဆိုရင် မြန်မာပြည်သို့ ပြန်လည်ရောက်ရှိပြီး အနုပညာအလုပ်တွေ ပြန်လည်လုပ်ကိုင်နေတာ တွေ့ရပါတယ်။ "မေထုန်ရာသီဖွား" ဇာတ်ကားနဲ့ ပရိသတ်တွေ အံ့အားသင့်စေခဲ့တဲ့ ဥက္ကာမင်းမောင်ဟာ ယခုလက်ရှိမှာလည်း ဇာတ်ကားကြီးတစ်ကား ရိုက်ကူးလျက်ရှိနေပါတယ်။

ဥက္ကာမင်းမောင်ဟာ သူ့ရဲ့ messenger မှာ လာရောက် နှောက်ယှက် အီစီကလိလာလုပ်သူတွေနဲ့ပတ်သတ်ပြီး လူမှုစာမျက်နှာကတဆင့် ယခုလိုပြောဆိုထားတာ တွေ့ရပါတယ်။

"အိညောင့်အိညောင့် အီစီကလီ စာတွေပို့ကြသူများ.. အာရုံနောက်လို့ပါ... မပို့ကြပါနဲ့... Facebook messenger က notification တောင် mute လုပ်ထားတာ.. အားမှန်းမသိ.. မအားမှန်းမသိ တဂျီဂျီဖုန်းတွေခေါ်ကြလွန်းလို့.. နောက်တခု ကျွန်တော့် Newsfeed မှာ တက်လာသမျှ ပုံတိုင်းလိုလို Like ပေးတတ်ပါသည်.. အဲ့ဒီလို Like ပေးခြင်းဟာ အဲ့ဒီလူကို အီချင်လို့ စိတ်ဝင်စားလို့မဟုတ်ပါ... အားပေးတယ်ဆိုတဲ့ message တွေကို ဖတ်မိလို့ Thank You လို့ ပြန်ပြောပြီးရင် တခြား မဆီမဆိုင် အီစီကလီ စကားတွေ ဆက်ပြော... စိတ်မဝင်စားပါခင်ဗျာ.. ပရိတ်သတ်များကို ပရိတ်သတ်ကိုချစ်သော ဖြူစင်သောအချစ်မျိုးနဲ့ပဲ ချစ်ပါတယ်.. **((ဒီ status သည် ပြောသင့်မပြောသင့် မသိ.. မဟုတ်ကဟုတ်က စာတွေ ကိုယ်တုံးလုံး ပုံတွေ ပို့သော သူများကိုသာ ရည်ညွှန်းပါသည်..))" ဆိုပြီး ရေးသားထားပါတယ်။ 

လက်ရှိမှာတော့ ဥက္ကာမင်းမောင်ဟာ အောင်မင်းခန့် ထူးအောင် ချောကလျာတို့နဲ့အတူ " မရဲ့ အေးခဲသွားကြသူများ" ဆိုတဲ့ ဇာတ်ကားမှာ ဗီလိန်တစ်ယောက်အနေနဲ့ သရုပ်ဆောင်ထားတယ်လို့ သိရပါတယ်။ ဒါ့အပြင် သူ့ကိုချစ်တဲ့ ပရိသတ်တွေနဲ့ တွေ့ဆုံဖို့ Fan meeting ကိုစီစဉ်လျက်ရှိပြီး နိုဝင်ဘာ ၁၈ မှာ ပြုလုက်ကျင်းပဖြစ်မယ်လို့လည်း သိရပါတယ်။

Source: Oakar Min Maung

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။