အေစီမီလန်အသင်းကို အဝေးကွင်းမှာ အနိုင်ယူခဲ့တဲ့ ဂျူဗင်တပ်

မနေ့ကယှဉ်ပြိုင်ကစားခဲ့တဲ့ အီတလီစီးရီးအေ ပွဲစဉ်မှာ အိမ်ရှင် အေစီမီလန်အသင်းကို ဂျူဗင်တပ်အသင်းက ၂ ဂိုး ဂိုးမရှိရလဒ်နဲ့ အနိုင်ရရှိခဲ့တာလည်းဖြစ်ပါတယ်။ဂျူဗင်တပ်အသင်းဟာ ယခုနိုင်ပွဲကြောင့် ရမှတ် ၂၈ မှတ်နဲ့ အဆင့် ၂ နေရာ တတ်လှမ်းခဲ့ပြီလည်းဖြစ်ပါတယ်။အင်တာမီလန် ၊ နာပိုလီအသင်းတို့ထက် တစ်ပွဲပိုကန်ထားတာလည်းဖြစ်ပါတယ်။အေစီမီလန်အသင်းကတော့ ပွဲစဉ် ၁၁ ပွဲကစားထားပြီးချိန်မှာ ရမှတ် ၁၆ မှတ်နဲ့ အဆင့် ၈ နေရာမှာ ရှိနေတာလည်းဖြစ်ပါတယ်။

အေစီမီလန်အသင်းရဲ့ ပွဲထွက်လူစာရင်းမှာတော့ ကလီနစ်၊ ဆူဆို၊ ကေဟမ်နိုဂလူး၊ ဘိုရီနီ၊ ဘီဂလီယာ၊ အဘာတီ၊ ကတ်စီရီ တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဂျူဗင်တပ်အသင်းရဲ့ ပွဲထွက်လူစာရင်းမှာတော့ ဟီဂူအင်၊ မန်ဇူကစ်၊ ဒီဘာလာ၊ ကွာဒရာဒို၊ ခီဒီယာ ၊ ပီဂျာနစ် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။အေစီမီလန်အသင်းဟာ ဂျူဗင်တပ်အသင်းကို အသာစီးနဲ့ ယှဉ်ပြိုင်ကစားခဲ့ပေမဲ့ ဂိုးသွင်းအဆုံးသတ်သေချာခဲ့တဲ့ ဂျူဗင်တပ်အသင်းက အနိုင်ရရှိသွားခဲ့တာလည်းဖြစ်ပါတယ်။ 

ဂျူဗင်တပ်အသင်းအတွက်အဖွင့်ဂိုးကိုတော့ ၂၃ မိနစ်မှာ ဟီဂူအင်က သွင်းယူပေးခဲ့တာဖြစ်ပါတယ်။ပထမပိုင်းပြီးဆုံးချိန်မှာတော့ ဂျူဗင်တပ်အသင်းဟာ တစ်ဂိုးအသာနဲ့ ဦးဆောင်နေခဲ့တာလည်းဖြစ်ပါတယ်။ဒုတိယပိုင်း ၆၃ မိနစ်မှာတော့ ဟီဂူအင်ကပဲ ဂျူဗင်တပ်အသင်းအတွက် ဒုတိယအနိုင်ဂိုးကို သွင်းယူပေးခဲ့တာလည်းဖြစ်ပါတယ်။ဒီပွဲမှာ အနိုင်ဂိုးတွေသွင်းယူပေးခဲ့တဲ့ ဟီဂူအင် က ယခုပွဲရဲ့အကောင်းဆုံးကစားသမားဆု .man of the match ကို ရရှိခဲ့တာလည်းဖြစ်ပါတယ်။