အာရှဖူဆယ်ပြိုင်ပွဲဝင်ခွင့်ရခဲ့တဲ့မြန်မာ
မြန်မာဘောလုံးအသင်းများရလဒ်တွေဆိုးရွား
နေစဉ်မှာမြန်မာဖူဆယ်ကတော့နိုင်ငံဂုဏ်ဆောင်နေဆဲလို့ဆို
ရပါမယ်။မြန်မာဖူဆယ်အသင်းဟာဗီယက်နမ်နိုင်ငံမှာကျင်းပ
နေတဲ့အာဆီယံဖူဆယ်ပြိုင်ပွဲမှာဝင်ရောက်ယှဉ်ပြိုင်လျှက်ရှိ
နေပါတယ်။ဆီမီးရောက်လေးသင်းဟာ2018အာရှဖူဆယ်ချန်ပီယံရှစ်
ဝင်ခွင့်ရမှာမို့အသင်းတွေအားလုံးကြိုးစားခဲ့တာကိုတွေ့ရပါတယ်။မြန်မာအသင်းဟာဒီနေ့ကစားတဲ့အင်ဒိုနဲ့ပွဲမှာအကောင်း
ဆုံးခြေစွမ်းပြသွားခဲ့ပြီးသုံးဂိုးနှစ်ဂိုးနဲ့အနိုင်ယူကာဆီမီးကို
တက်သွားခဲ့ပါတယ်။
မြန်မာဟာအင်ဒိုနဲ့ပွဲမကစားမီဘရူနိုင်းကို13ဂိုးဂိုးမရှိ၊ဖိလစ်ပိုင်ကို25ဂိုးဂိုးမရှိနဲ့အနိုင်ယူထားခဲ့ပါတယ်။
ဆီးဂိမ်းမှာရလဒ်မကောင်းခဲ့တဲ့အတွက်အီရန်နည်းပြကိုထုတ်
ပြီးမြန်မာနည်းပြကိုပြန်ပြောင်းကိုင်တွယ်စေခဲ့ပြီး
ခြေစွမ်းတိုးတက်လာတာတွေ့မြင်ရပါတယ်။အင်ဒိုဟာ
မနေ့ကဗီယက်နမ်ကိုရှုံးထားခဲ့တာကြောင့်မြန်မာကို
အနိုင်ယူဖို့အသေအချာပြင်ဆင်လာခဲ့ပါတယ်။
ဒါပေမယ့်ပထမပိုင်းမှာပဲမြန်မာအသင်းကအောင်အောင်၊ပြည့်ဖြိုးမောင်တွဲလုံးကနေတဆင့်ပြည့်ဖြိုးမောင်ကမြန်မာ
အတွက်ဗွေဆော်ဦးဂိုးသွင်းယူပေးခဲ့ပါတယ်။ဒါပေမယ့်
ချေပဂိုးရဖို့အသည်းအသန်ကြိုးစားလာတဲ့အင်ဒိုမြန်မာ
ဘက်ကိုချေပဂိုးပြန်သွင်းနိုင်ခဲ့ပါတယ်။ပထမပိုင်းအပြီး
မှာတော့တစ်ဂိုးစီသရေကျနေခဲ့ပြီးဒုတိယပိုင်းမှာပြည့်
ဖြိုးမောင်ကပဲအင်ဒိုဂိုးသမားကိုကျော်ကာလှလှပပသွင်းယူ
ပေးခဲ့ပါတယ်။ဒုတိယဂိုးရပြီးတဲ့နောက်မှာတော့
မြန်မာအသင်းခံစစ်ပုံစံပြောင်းဆော့ခဲ့ပါတယ်။အင်ဒိုအသင်း
ရဲ့ဂိုးသမားပါရှေ့တက်ပြီးဖိကစားနေချိန်မှာအင်ဒိုဘောလုံး
ပျက်သွားရာမှတဆင့်အောင်အောင်ကတတိယဦးဆောင်ဂိုး
ထပ်သွင်းခဲ့ပါတယ်။အင်ဒိုအနေနဲ့ချေပဂိုးရဖို့အသည်းအသန်ကြိုးစားလာခဲ့ပြီး
ဒုတိယချေပဂိုးကိုတော့သွင်းယူနိုင်ခဲ့ပေမယ့်ပွဲအပြီးမှာတော့မြန်မာကသုံးဂိုးနှစ်ဂိုးနဲ့အနိုင်ရရှိသွားပါတော့တယ်။
Agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
