သိန်းတစ်ထောင်ရတဲ့ရှမ်းယူနိုက်တက်
မြန်မာနေရှင်နယ်လိဂ်ချန်ပီယံဖြစ်ခဲ့တဲ့ရှမ်းယူနိုက်တက်
ဟာမနေ့ကဆုကြေးတွေ၊ဆုတံဆိပ်တွေချီးမြင့်ခံခဲ့ရပါတယ်။
မြန်မာဘောလုံးအဖွဲ့ချုပ်ဥက္ကဌဦးဇော်ဇော်က
ရှမ်းအသင်းသားတစ်ယောက်ချင်းစီကိုဆုတံဆိပ်တွေ
ချီးမြင့်ခဲ့ပြီး၊ဘောလုံးအဖွဲ့ချုပ်နာယကကြီးဦးအောင်ကိုဝင်း
ကတော့ဆုကြေးငွေသိန်းတစ်ထောင်ကိုရှမ်းအသင်းကို
ပေးအပ်ခဲ့ပါတယ်။ဒါ့အပြင်ရှမ်းပြည်နယ်ဝန်ကြီးချုပ်
ဒေါက်တာလင်းထွဋ်ကလည်းနေရှင်နယ်လိဂ်
ဆုဖလားကြီးကိုပေးအပ်ခဲ့ပါတယ်။ရှမ်းပြည်နယ်အစိုးရအဖွဲ့ကလည်းဆုကြေး
သိန်းငါးဆယ်ပေးအပ်ချီးမြင့်ခဲ့ပါသေးတယ်။
ဗိုလ်ချုပ်ဒိုင်းရော
အမှတ်ပေးဖလားပါရရှိခဲ့တဲ့ရှမ်းအတွက်ဆုလဒ်တွေ
ရပ်တန့်မသွားသေးပါဘူး။
အမှတ်ပေးဖလားရရှိတဲ့အတွက်ရှမ်းဟာအာရှချန်ပီယံလိဂ်
Play-Offဝင်ခွင့်ရရှိခဲ့ပါသေးတယ်။သူတို့အနေနဲ့နောက်
နှစ်ဘောလုံးရာသီမှာမြန်မာပြည်ကိုယ်စားပြုအဖြစ်
အာရှချန်ပီယံလိဂ်မှာဘယ်လိုခြေစွမ်းတွေပြမလဲစောင့်
ကြည့်ကြရမှာပါ။ဒီနှှစ်အာရှချန်ပီယံလိဂ်ဝင်ခဲ့တဲ့ရတနာပုံကတော့မစွံခဲ့ပါဘူး။
နောက်နှစ်ရာသီမှာတော့ရှမ်းအသင်းအနေနဲ့ပြင်ဆင်မှုကြီးကြီး
မားမားတွေပြုလုပ်ပြီးပြိုင်ပွဲဝင်မယ်လို့ယုံကြည်မိပါတယ်။
ဒီအောင်မြင်မှုတွေအတွက်ရှမ်းပြည်ဒေသခံတွေ၊ရှမ်းကစားသမားတွေ၊တာဝန်ရှိသူတွေအားလုံးပျော်နေကြပါတယ်။ဆုပေးပွဲအခမ်း
အနားပြီးဆုံးသွားတဲ့နောက်မှာတော့ဂုဏ်ပြုညစာ
စားပွဲကိုဆက်လက်ပြုလုပ်ခဲ့ပါတယ်။အဆိုပါ
ဂုဏ်ပြုညစာစားပွဲမှာတော့နာမည်ကြီးအဆိုတော်ကြီးတွေ
ဖြစ်တဲ့လေးဖြူ၊အငဲ၊မျိုးကြီး၊ဝိုင်းဝိုင်းတို့သီဆိုဖျော်ဖြေပေး
ခဲ့ကြပါတယ်။အမဲလိုက်အကနဲ့ကလုန်ခဲ့တဲ့ရှမ်းယူနိုက်တက်ရဲ့
လှပတဲ့ညချမ်းလေးပေါ့။
Source-Shan
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
