သူကွဲကိုယ်ကွဲစောငမန်းတို့ရဲ့ပွဲ
တစ်ကျော့ပြန်လက်ဝှေ့သမားစောငမန်းနဲ့
အက်ဒီဖာရယ်တို့ရဲ့ပွဲကလည်းနှစ်ယောက်စလုံး
အလဲလဲအကွဲကွဲပါပဲ။ဒီပွဲမစခင်ကစောငမန်းအနေနဲ့
သက်လုံကပွဲချိန်ပြည့်ထိုးသတ်နိုင်မလားဆိုပြီး
ပရိသတ်တွေစိတ်ပူခဲ့ကြပေမယ့်ပွဲထိုးသတ်တဲ့အချိန်မှာ
စောငမန်းသက်လုံမကျဘဲထိုးသတ်သွားနိုင်ပါတယ်။
စောငမန်းနဲ့ထိုးသတ်တဲ့အက်ဒီဖာရယ်ကတော့
မြန်မာပရိသတ်တွေနဲ့ရင်းနှီးပြီးသားအသည်းကောင်းတဲ့
လက်ဝှေ့သမားပါ။
အရပ်အမောင်းကွာဟမှုကတော့ဖာရယ်နဲ့စောငမန်းကြား
တော်တော်ခြားနားတယ်လို့ပြောလို့ရပါတယ်။ဒါပေမယ့်
စောငမန်းဒီခြားနားချက်ကိုကြိုတင်ပြင်ဆင်ခဲ့ပြီး
ခေါင်းတိုက်ချက်တွေနဲ့ဖာရယ်ကိုရင်ဆိုင်ခဲ့ပါတယ်။
စောငမန်းရဲ့ဗျူဟာအလုပ်ဖြစ်ခဲ့ပြီးဖာရယ်အနေနဲ့
စောငမန်းရဲ့ခေါင်းတိုက်ချက်တွေကြောင့်အထိနာခဲ့ပြီး
ပွဲစပြီးမကြာခင်မှာပဲကွဲခဲ့ပါတယ်။ဒါပေမယ့်
ဖာရယ်ကလည်းစောငမန်းကိုသူအားသန်တဲ့
ခြေကန်ချက်တွေနဲ့ပြန်လည်ရင်ဆိုင်ခဲ့ပါတယ်။
နှစ်ယောက်စလုံးတစ်ယောက်ကိုယ်တစ်ယောက်
အလဲထိုးချင်တာကြောင့်ပွဲဟာအလွန်တရာမှကိုအကြိတ်
အနယ်ရှိခဲ့ပါတယ်။ဒီပွဲမှာစောငမန်းသူ့ရဲ့သမ္ဘာကိုပြသွားပြီး
ပွဲကိုအကောင်းဆုံးထိန်းချုပ်သွားနိုင်ခဲ့ပါတယ်။အက်ဒီဖာရယ်
အနေနဲ့ဇမသေးဘူးဆိုပေမယ့်စောငမန်းနဲ့့ယှဉ်လိုက်ရတဲ့အခါ
အတွေ့အကြုံပိုင်းလိုအပ်ချက်တွေရှိနေဆဲပါ။အချီတိုင်းလိုလို
အကြိတ်အနယ်ထိုးသတ်ခဲ့ပြီးငါးချီပြည့်ထိုးသတ်ခဲ့ကာ
စောငမန်းကအမှတ်နဲ့အနိုင်ရသွားပါတယ်။
Source -WLC
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
