လာမည့်အာဆင်နယ်နှင့်ပွဲတွင် ပြန်ကစားနိင်မည့် ဒဏ်ရာကြောင့်နားနေရသည့် ဟာရီကိန်း

စပါးတိုက်စစ်မှုူး ဟာရီကိန်းကတော့ ထူးချွန်တဲ့ တိုက်စစ်မှူးတစ်ဦးပါ။ ဟာရီကိန်းက ဒီရာသီမှာ ပုံစံကောင်းတွေကို ပြသထားနိုင်ခဲ့ပါတယ်။ ဂိုးတွေလည်း သွင်းယူထားနိုင်ခဲ့ပါတယ်။ သို့သော် ဟာရီကိန်းသည် ပြီးခဲ့သည့်တစ်ပတ်၌ကစားခဲ့သော ခရစ္စတယ်ပဲလေ့စ်အသင်းနှင့်ပွဲစဉ်တွင် ဒဏ်ရာရရှိခဲ့ပြီး ဂျာမနီ၊ ဘရာဇီးလ်အသင်းတို့နှင့် ကစားမည့်အင်္ဂလန်အသင်း၏ ခြေစမ်းပွဲစဉ်များကိုလွဲချော်ခဲ့သည်။ 

ယခုအခါ တော့တင်ဟမ်မန်နေဂျာမော်ရီစီယိုပိုချက်တီနိုကဒီရာသီကလပ်နဲ့နိုင်ငံအတွက်၁၇ဂိုးသွင်းယူထားတဲ့တိုက်စစ်မှုးဟယ်ရီကိန်းဟာနိုင်ငံတကာပွဲစဉ်တွေပြီးဆုံးပြီးနောက်စပါးရဲ့အကြီးမားဆုံးဒါဘီဖြစ်တဲ့အာဆင်နယ်နဲ့ပွဲမှာပြန်လည်ပါဝင်လာမယ်လို့အတည်ပြုလိုက်ပါတယ်။ ကိန်း အလီ ဝင့်တို့ဟာပဲလေ့စ်နဲ့ပွဲမှာရရှိခဲ့တဲ့ ဒဏ်ရာပြသနာတွေကြောင့်ဂျာမနီ ဘရာဇီး တို့နဲ့ကစားရမယ့်အင်္ဂလန်အသင်းရဲ့လူစာရင်းမှာအသီးသီးနှုတ်ထွက်ခဲ့ကြပါတယ်။ စပါးအသင်းနည်းပြ ပိုချက်တီနိုက Brave New World ဟုအမည်ပေးထားသည့်၎င်း၏ စပါးအသင်းနည်းပြဘဝအကြောင်းအရာများပါ၀င်သည့် စာအုပ်မိတ်ဆက်ပွဲတွင်ဟာရီကိန်းပြန်ကစားနိုင်မည့်အကြောင်း ထည့်သွင်းပြောကြားခဲ့ခြင်းခြစ်သည်။

ပိုချက်တီနိုက "ဟယ်ရီကိန်းကတော့အိုကေပါပဲ။ သူ့ကိုလာမည့်ပွဲစဉ်ဖြစ်တဲ့အာဆင်နယ်နဲ့လန်ဒန်ဒါဘီမှာမြင်တွေ့ရပါလိမ့်မယ်။ သူဟာဒူးခေါင်းနဲ့ပက်သက်ပြီးဒဏ်ရာအနည်းငယ်ရရှိခဲ့ပါတယ်။ ဒါပေမယ့်စိတ်မပူပါနဲ့။ သူအာဆင်နယ်နဲ့ပွဲမှာပွဲထွက်ပါဝင်ကစားနိုင်ပါလိမ့်မယ်။ နောက်ဆုံးကစားခဲ့တဲ့ပွဲမှာ ဟာရီကိန်း ဒူးကို ကန်ခံခဲ့ရပါတယ်။ ဒါပေမဲ့ အာဆင်နယ်နဲ့ကစားမယ့်ပွဲမှာ သူကစားနိုင်ပါလိမ့်မယ်” ဟု ပိုချက်တီနိုက ပြောကြားခဲ့သည်။ စပါးတိုက်စစ်မှူး ဟာရီကိန်းသည် အာဆင်နယ်အသင်းနှင့် ကစားခဲသည့် နောက်ဆုံး (၆)ပွဲတွင်(၆)ဂိုးသွင်းယူထားသည်။

Source –Mirror