မြန်မာနဲ့ကမ္ဘောဒီးယားပွဲအလွန်

မြန်မာနဲ့ကမ္ဘောဒီးယားပွဲအလွန်

မြန်မာနဲ့ကမ္ဘောဒီးယားပွဲကနှစ်ဂိုးတစ်ဂိုးနဲ့ပြီးဆုံး

သွားခဲ့ပါပြီ။ပတ်စာခွာဖျာသိမ်းပြီးဖြစ်ပေမယ့်လည်း

ဒီပွဲရဲ့အကျိုးဆက်တွေဟာနှစ်သင်းစလုံးကိုရိုက်

ခတ်နေဆဲပါ။ဘာဂယက်တွေထနေလဲဆိုတာ

ကျွန်တော်တို့ကြည့်ကြရအောင်ပါ။ပထမဦးစွာ

ပြောရမယ့်အချက်ကကမ္ဘောဒီးယားဟာမြန်မာကို

ဒီတစ်ကြိမ်မှာကျိန်းသေပေါက်အနိုင်ရချင်ခဲ့တာပါ။

အနိုင်ရအောင်လည်းသူတို့အသေအချာပြင်ဆင်ခဲ့ကြပါတယ်။

ဂျော်ဒန်နဲ့အရေးကြီးပွဲကစားဖို့ရှိနေတာတောင်အကောင်းဆုံး

လူစာရင်းကိုထုတ်ပြီးမြန်မာကိုရင်ဆိုင်ခဲ့တာပါ။ခမာတွေရဲ့

အရှုံးအတွက်ပထမဆုံးဝေဖန်ခံရတာကနည်းပြဆိုဗန်နရာပါ။

ချန်ဗန်သာနာကာကိုနေရာပေးချင်လို့ဝါရင့်တိုက်စစ်မှူး

လဘော်ရေဗီကိုချနိလှပ်ခဲ့တာတွေ၊စူပါစတားကွင်းလယ်လူ

ပိုရော့ကိုကိုရွေးချင်လို့ခံစစ်အားသန်တဲ့နာမည်ကြီးကွင်းလယ်လူချန်သာနာဘင်ကိုရွေးချယ်ခဲ့တာတွေကသူ့အတွက်ပြောစရာဖြစ်ခဲ့ပါတယ်။CV11ဟာအထောင်တိုက်စစ်မှူးနေရာမှာ

ခြေစွမ်းမပြနိုင်ခဲ့သလိုပိုရော့ဟာလည်းဒဏ်ရာအကင်း

မပျောက်သေးလို့မြန်မာနဲ့ပွဲမှာဝင်တောင်မကစားခဲ့ရပါဘူး။

ဆိုဗန်နရာပြီးတော့ထပ်အဝေဖန်ခံရတာကနာမည်ကြီး

တောင်ပံကစားသမားချန်ဗန်သာနာကာပါ။အပိုင်

အခွင့်အရေးနှစ်ကြိမ်လောက်ကိုဂိုးအဖြစ်မပြောင်းလဲ

နိုင်ခဲ့တဲ့အတွက်မြန်မာပွဲအရှုံးအတွက်ခမာပရိသတ်တွေက

သူ့ကိုအပြစ်ပုံချခဲ့ပါတယ်။သူ့ရဲ့လူမှုကွန်ယက်မှာလည်း

Cv11ဟာ"I hate myself"လို့ရေးသားခဲ့ပြီး

သူ့ကိုကြိုက်သလိုသာပြောကြပါတော့ဆိုပြီးရေးသားခဲ့ပါတယ်။

နိုင်သွားတဲ့မြန်မာအသင်းလည်းဝေဖန်ခံရမှုမလွတ်ပါဘူး။

မြန်မာအသင်းမှာပထမဦးစွာဝေဖန်ခံရတာက

ဇော်မင်းထွန်းဖြစ်ပြီးမြန်မာပေးလိုက်ရတဲ့ဂိုးဟာ

သူဖိနပ်ကြိုးချည်နေလို့ပါ။နောက်ထပ်ဝေဖန်ခံရသူတွေက

မောင်မောင်လွင်၊တင်ဝင်းအောင်၊ရန်အောင်ကျော်စတဲ့

အလယ်တန်းကစားသမားတွေဖြစ်ပါတယ်။ပွဲတစ်ပွဲလုံးကို

ခြံုကြည့်ရင်အပြစ်ပြောစရာမရှိခဲ့တာကအောင်သူ

တစ်ယောက်သာရှိခဲ့ပါတယ်။သူ့အနေနဲ့တာဝန်ကျေခဲ့တာကို

တွေ့ရပြီးမြန်မာလက်ရွေးစင်အသင်းအတွက်နောက်ဆုံး

သုံးပွဲဆက်ဂိုးသွင်းနိုင်ခဲ့တာတွေ့ရပါတယ်။

Agu