ဘတ္ထရီဆိုင်ကယ်အားသွင်းရာမှအပူလွန်ကဲကာမီးလောင်မှုဖြစ်ပွား

နိုဝင်ဘာ(၁၇)ရက်၊ည(၁၂)နာရီအချိန်ခန့်မန္တလးမြို့မဟာအောင်မြေမြို့နယ်၊၃၆လမ်း၊လမ်း၇၀နှင့်၇၁လမ်းကြားရှိနေအိမ်တစ်ခုတွင်ဘတ္ထရီဆိုင်ကယ်အားသွင်းရာမှအပူလွန်ကဲမှုဖြစ်ကာမီးလောင်မှုဖြစ်ပွားခဲ့တယ်လို့သိရပါတယ်။

အဆိုပါမီးလောင်မှုဖြစ်ပွားခဲ့သည့်နေအိမ်ပိုင်ရှင်ဒေါ်မီးမီးအသက်(၃၉)နှစ်ဟာပေ(၂၀)ပတ်လည်၊သံဖရိန်၊အုပ်ညှပ်နှစ်ထပ်နှင့်ပေ(၂၀)xပေ(၅၀)အာရ်စီနှစ်ထပ်(တွဲလျက်)လျှပ်စစ်ပစ္စည်းသိုလှောင်သည့်ဂိုဒေါင်အတွင်းဘက်ထရီဆိုင်ကယ်အားသွင်းရာမှအပူလွန်ကဲမှုဖြစ်ကာမီးစတင်လောက်ကျွမ်းခဲ့တယ်လို့သိရပါတယ်။

အဆိုပါမီးလောင်ရာနေအိမ်သို့မန္တလေးတိုင်းဒေသကြီးမီးသတ်ဦးစီးမှူးဦးသန်းဇော်ဦးဦးဆောင်ကာမီးငြှိမ်းသတ်ယာဉ်(၅၀)စီး၊မီးသတ်ရေသယ်ယာဉ်(၂၀)စီး၊သန္ဓေမီးသတ်(၇၀)ဦးနှင့်အရန်မီးသတ်(၂၀၀)ဦးတို့မှဝိုင်းဝန်းငြှိမ်းသတ်ခဲ့ရာနံနက်(၂)နာရီခွဲအချိန်ခန့်တွင်မီးလုံးဝငြိမ်းသွားခဲ့တယ်လို့သိရပါတယ်။

မီးလောင်ကျွမ်းခဲ့တဲ့အချိန်ကနှစ်နာရီကျော်ကြာသွားတယ်လို့သိရပါတယ်။

လျှပ်စစ်ပစ္စည်းတွေသိုလှောင်ထားတာဆိုတော့အသက်အန္တရာယ်မရှိအောင်ဆောင်ရွက်ခဲ့ရတယ်။"ဟု မန္တလေးတိုင်းဒေသကြီးမီးသတ်ဦးစီးဌာနမှ တာဝန်ရှိသူတစ်ဦးကပြောပါတယ်။

အဆိုပါမီးလောင်မှုကြောင့် ပေ(၂၀)ပတ်လည်၊ သံဖရိန်၊ အုပ်ညှပ်နှစ်ထပ်(ငွေကျပ် ၂၀၀၀၀၀၀ခန့်)၊ ပေ(၂၀)x ပေ(၅၀) အာရ်စီနှစ်ထပ်(ငွေကျပ် ‪၅၀၀၀၀၀၀‬)၊ SURF(4H-5823)မော်တော်ယာဉ်အပြာရောင် အတွင်း ခန်း(ငွေကျပ်၈၀၀၀၀၀၀ခန့်)၊ ဘတ္ထရီဆိုင်ကယ်သုံးစီး(ငွေကျပ် ‪၁၂၀၀၀၀၀‬)နှင့်လျှပ်စစ်နှင့်ပတ်သက် သည့်အတွင်းပစ္စည်းများ(ငွေကျပ် ‪၁၅၀၀၀၀၀၀‬) စုစုပေါင်းငွေကျပ်(‪၃၁၂၀၀၀၀၀‬)ခန့် မီးလောင်ဆုံးရှုံးခဲ့တယ်လို့သိရပါတယ်။

မီးလောင်မှုဖြစ်စဉ်နှင့်ပတ်သက်ပြီးအိမ်ပိုင်ရှင်ဒေါ်မီးမီးအား (ပ)၇၂၇ /၂၀၁၇၊ ပြစ်မှုပုဒ်မ၂၈၅ဖြင့်အမှတ်(၉)ရဲစခန်းတွင်အမှုဖွင့်အရေးယူဆောင်ရွက်ထားတယ်လို့သိရပါတယ်။

သတင်းအရင်းအမြစ် - ဦးရာဇ (New Watch)