ဖွေးဖွေးအကြောင်းကိုအပွင့်လင်းဆုံးပြောပြတဲ့ သူငယ်ချင်း စာရေးဆရာမ

စာရေးဆရာမ မာရင်ရင်ဆိုတာ လူတွေကို စိတ်အားတက်ကြွစေမယ့် စာလေးတွေ ၊ လူသဘော သဘာဝအကြောင်းစာလေးတွေ ရေးတဲ့ နာမည်ကြီးစာရေးဆရာမတစ်ယောက်ပါ ။ သူဟာ ဖွေးဖွေးရဲ့ ငယ်သူငယ်ချင်းလဲဖြစ်ပြန်ပါသေးတယ် ။ ဖွေးဖွေးကို အွန်လိုင်းပေါ်ကတိုက်ခိုက်သူတွေရှိလာတဲ့အခါ ဖွေးဖွေးရဲ့ ပရိတ်သတ်တွေနဲ့ အွန်လိုင်းသုံးစွဲသူအများအပြားဟာ ဖွေးဖွေးကို ၀ုိင်းဝန်း ၀န်းရံပေးခဲ့ကြပါတယ် ။ ဒီထဲမှာ ဆရာမ မာရင်ရင်လဲ အပါအဝင်ပါ ။ မာရင်ရင်က သူသိတဲ့ ဖွေးဖွေးရဲ့ အကြောင်းကို အောက်ပါအတိုင်း ပြောပြထားပါတယ် ။ 

" လူတစ်ယောက်ရဲ့ ဘယ်အကြောင်းကိုမဆို

ကိုယ့်မျက်စိနဲ့တိုက်ရိုက် မမြင်ရမချင်း မဝေဖန်တာ အကောင်းဆုံး ၊ ကိုယ့်မသိလိုက်တဲ့ သူများပြောတဲ့ သူများအကြောင်းကို ချဲ့ကားတာထက် ကောင်းကြောင်းလေးကို ပုံကြီးချဲ့ကြတာ ပိုမကောင်းဘူးလား ။

မှတ်မိသေးတယ် ၂ လပိုင်းတုန်းက

ကိုယ့်မှာ လူမဆန်သူကြောင့် လူမှုရေးနဲ့ စီးပွားရေးကြောင့် ကိုယ်စိတ်ဓါတ်တွေကျပြီး Account ရော Page ပါ Deactivate လုပ်ပစ်လိုက်ရတဲ့အချိန် .... ၂ပတ် ထမင်းမစားနိုင်ပဲ လုပ်ငန်းရပ်လိုက်ရတော့မယ် အချိန် ....

သူငယ်ချင်းရယ် ငါအရမ်းစိတ်ညစ်တာပဲလို့ ပြောမိတော့ နောက်နေ့ သူချက်ချင်း အချိန်ပေးပြီး ကိုယ့်ကို မုန့်လိုက်ကျွေးရင်း ကိုယ့်ကို စိတ်ဖြေပေးတယ် ။

ကိုယ့်ကို မှန်တစ်ချပ်ထောင်ပြပြီး ဟဲ့ မာရင်ရင်ဆိုပြီး ရိုက်နှက် အသိပေးလိုက်သလိုပဲ ။

တကယ်က သူထွေထွေထူးထူး ဘာမှ မပြောလိုက်ပါဘူး ။

ဒါပေမယ့် Point လေးတွေ ထောက်ပြလိုက်ချိန်မှာ ကိုယ့်ကိုယုတ်မာကြတဲ့ သူတွေကိုပါ ကိုယ်လျစ်လျူရှုလို့ရသွားတယ် ။

စိတ်ထဲမှာလည်း ခံစားရပေါ့သွားတယ် ။

အဓိကက သူ့ရဲ့ စိတ်ထားတတ်ပုံနဲ့ ကိုယ်ပြန်ဆင်ခြင်လိုက်မိသွားတာ ။

အဲ့ဒီနေ့က ကိုယ်အသိမှတ်ပြု ထုတ်ပြောမိတာ တစ်ခုရှိတယ် ။

ငါစာတွေသာရေးနေတာ နင့်လိုမတွေးတတ်သေးဘူးလို့ ။

တကယ်ပါ သူပြောတဲ့အပြော သူပေးတဲ့အားတွေက ဘာမှတော့မဟုတ်ဘူး သူ့စိတ်ကလေးတွေ ရင့်ကျက်ကြောင်းပြသွားတယ် ။

ပြန်ဆုံတဲ့အခါတိုင်း တစ်ခါတစ်လေ သူ့ကိုတိုက်ခိုက်ကြတာကြုံတာတွေမှာ သူဘာမှ မတုန့်ပြန်ပဲ အနေထိုင်သိမ့်မွေ့ပြီး လျစ်လျူရှုနိုင်တာ တော်ရုံစိတ်မဟုတ်ဘူး ။ တကယ်လည်း သူ့ကိုဘာပဲ လုပ်လုပ် သူ့အလုပ်ကလွဲရင် အတင်းအနေနဲ့တောင် ထုတ်မပြောတတ်သူ ။

အတူဆုံချိန်မှာ ဘယ်သူ့ကိစ္စမှ မပြောပဲ မုန့်နဲ့ အခြားအကြောင်းတွေသာ ပြောနေတတ်တဲ့သူ ။

အပြင်သွားမုန့်စားရင်ကအစ အဝတ်စားဝတ်ရင် သူသေချာရွေးတယ် အမြဲတမ်းပြောတဲ့စကားလေးက ငါဝတ်တာကြည့်ပြီး လူငယ်ကလေးလေးတွေ အတုယူကြရင် မကောင်းဘူးတဲ့ ။

အဲ့ဒါ ကိုယ်သိထားတဲ့ သူ့စိတ်ပဲ ။

ဘာပဲဖြစ်ဖြစ် ချစ်ရတယ် ။

ကိုယ်တွေပေါင်းတာက စိတ် လူကိုပေါင်းတာမဟုတ်တော့ ဘယ်သူဘာပြောပြော ချစ်တာပဲ ။

ဟုတ်သည်ဖြစ်စေ မဟုတ်ဘူးဖြစ်စေ ဘာကြီးဖြစ်ဖြစ် သူ့ကောင်းကွက်ပဲ ကိုယ်မြင်တယ်။

ဘာပဲဖြစ်ဖြစ် သူဟာကိုယ့်ထက် အသိဉာဏ်ပိုင်းမှာရော အဘက်ဘက်မှာ ထူးချွန်ပြီး တော်တဲ့သူ ။

ကျောင်းတက်တုန်းက စိတ်ကလေးပြောပြရမလား ။

ကိုယ့်အိမ်က မုန့်ဘိုးနည်းနည်းပဲ အိမ်ကပေးတဲ့အချိန် မုန့်စားဆင်းချိန်မှာ ကိုယ်မုန့်ဘိုးမပါလာခဲ့ရင်တောင် မြိုင်ဟေဝန် ဘာဂါအသေးလေးနဲ့ တစ်ယောက်တစ်ဝက်ဖဲ့ကျွေးပြီး ကိုလာတစ်ထုတ် တစ်ယောက်တစ်ဝက်သောက်ပြီး ပေါင်းလာခဲ့တဲ့သူ ။ နှစ်ယောက်စလုံး လွယ်အိတ်မှောက်ပြီး ရှိတာလေးပေါင်းစားပြီး ရယ်ခဲ့မောခဲ့ ပေါင်းလာခဲ့တဲ့ ဘာဟန် ဘာပကာသနမှ မရှိတဲ့သူ ။

သူ့ကိုသူများ ဘာလုပ်လုပ် ကိုယ်က ဝင်ဝင်ပါလွန်းလို့ အမုန်းခံပြီး မုဆိုးတစ်ပိုင်းမိန်းမရိုင်းလို့တောင် အပြောခံခဲ့ရအောင် သူကဘာမှ သိပ်မတုန့်ပြန်တတ်တာ ။

ပကာသနမရှိပဲ ဘာမှမဟုတ်တဲ့ ကိုယ့်ကို ခင်မင်စွာပေါင်းပြီး တူတူပေါ တူူတူသွားလာခဲ့ကြတဲ့သူတွေ ။

ကိုယ်နဲ့ရင်းနှီးသူမို့ သူဘာကောင်းတယ် ညာကောင်းတယ် ပြောရင် အချင်းချင်းပင်းတယ်ဖြစ်မယ် ။

ဘာပဲပြောပြော သူကိုယ့်ထက် အများကြီးတော်တယ် ကိုယ်တောင် ပြန်အတုယူပြီး ပြင်စရာတွေ အများကြီးရှိပြီး ကျိတ်ပြီး စံထားရတဲ့သူ။ သူ့တောင်မပြောဖြစ်တာလေးတွေ ခုမှ ထုတ်ပြောရတယ် ။

ချစ်တယ်

ဓါတ်ပုံလေးတွေကတော့ ကိုယ်ခိုးရိုက်ထားတာလေးတွေ " တဲ့ ။

ဖွေးဖွေးရဲ့ အနီးကပ် သူငယ်ချင်းကပြောပြတဲ့ အကြောင်းတွေပါ ။ ဒါကြောင့်မို့လည်း ဖွေးဖွေးဟာ ငယ်ငယ်ရွယ်ရွယ်နဲ့ နိုင်ငံကျော် မင်းသမီးတစ်ယောက်ဖြစ်နေခဲ့တာပေါ့ ။

သရုပ်ဆောင်ပိုင်းနဲ့ ပါတ်သတ်ပြီး ချီးကျူးမှုများစွာကို ခံယူရရှိထားတဲ့ အကယ်ဒမီမင်းသမီးလေး ဖွေးဖွေး ကို ၀န်းရံလိုက်ကြရအောင်လား ပရိတ်သတ်ကြီးရေ ...  

သတင်းအရင်းမြစ် Mar Yin Yin