သရဲခြောက်ခံရတဲ့အကြောင်းပြောပြတဲ့ သွန်းဆက်

သရဲကြောက်လို့အရမ်းကြောက်ဖို့ကောင်းတဲ့ သရဲကားတွေဆို ရှောင်တယ်လို့ဆိုတဲ့ မင်းသမီးလေးက

တကယ်သရဲခြောက်ခံရဖူးတဲ့ အတွေ့အကြုံရှိတယ်လို့ ဆိုပါတယ် ။ Popular Journal ရဲ့ အင်တာဗျူးတစ်ရပ်မှာ

သူမရဲ့ သရဲခြောက်ခံရတဲ့ အတွေ့အကြံုကို ပြောပြထားရာမှာတော့ ...

" အသံတော့ ကြားဖူးတာတော့ ရှိတယ် ။ အသံဆိုတာ သရဲလို အသံတော့မဟုတ်ဘူး ။ ဘယ်သူမှမရှိဘဲ ငြိမ်နေရင်းကနေ ရေသန့်ဘူး ရိုက်ချတာလိုမျိုး ။

အဲဒါကလည်း ထူးခြားပါတယ် ။ ညီမ ပြင်ဦးလွင်မှာ ဇာတ်ကားရိုက်ကူးရအောင် သွားနေတဲ့အချိန် အမေနဲ့ ပဠာန်းရွတ်နေရင်းနဲ့ အမြဲတမ်းအသံတွေက ကျယ်ကျယ်လာတယ်လေ ။ အဲဒီမှာ ဟိုတယ်နာမည်တော့မပြောတော့ပါဘူး ။ ဟိုတယ်ရဲ့ရေချိုးခန်းထဲကနေ ရေသန့်ဘူးတစ်ဘူးက ရိုက်ချလိုက်သလိုမျိုးပေါ့နော် ။ အကျယ်ကြီးပဲ လုံးဝကြားလိုက်ရတာ ။ အဲဒါနဲ့ သားအမိနှစ်ယောက်သွားကြည့်တော့ ရေဘူးက လေလဲမတိုက်ဘူး ။ ပြီးတော့ အစပ်မှာ တင်ထားတာမဟုတ်ဘူး ။ အလယ်လောက်မှာတင်ထားတာဆိုတော့ လွတ်လွတ်ကျွတ်ကျွတ်ကြီးပေါ့နော် ။ 

အဲလိုဖြစ်ဖူးတယ် ။ ဒါပေမယ့် ညီမ အရင်က သရဲကားပုံစံမျိုးတွေ တစ်ကားနှစ်ကားရိုက်ဖူးတယ် ။ အဲဒီတုန်းကတော့ သချိုင်းတွေဘာတွေမှာရိုက်တာတောင် ကြောက်လန့်တာမျိုးတွေမရှိပါဘူး ။ မရိုက်ကူးခင် မေတ္တာတွေပို့ပေးတော့ ဘာမှတော့မဖြစ်ဘူး ။ အသံလေးကြားဖူးတာတော့ အဲဒီတစ်ခါတော့ ကြံုဖူးပါတယ် ။ " လို့ သူမက ဆိုထားတာပါ ။

ပရိတ်သတ်တို့မှာရော သွန်းဆက်လိုမျိုး သရဲခြောက်ခံရတဲ့ အတွေ့အကြံုတွေ ရှိရင် ပြောပြသွားကြပါဦး ပရိတ်သတ်တို့ရေ ... 

သတင်းအရင်းမြစ် Popular Journal