ရှုံးကြွေးပြန်ဆပ်ခဲ့တဲ့ ဘိုင်ယန်မြူးနစ်

မနက်ကယှဉ်ပြိုင်ကစားခဲ့တဲ့ ချန်ပီယံလိဂ်အုပ်စုပွဲစဉ်မှာ ဘိုင်ယန်မြူးနစ်အသင်းဟာ PSG အသင်းကို ၃ ဂိုး ၁ ဂိုး နဲ့ အနိုင်ရရှိခဲ့တာလည်းဖြစ်ပါတယ်။PSG အသင်းနဲ့ ဘိုင်ယန်မြူးနစ်အသင်းတို့ဟာ ရမှတ် ၁၅ စီရရှိကာ အမှတ်တူညီနေပေမဲ့ PSG အသင်းဟာ ထိပ်တိုက်တွေ့ဆုံခဲ့တဲ့ပွဲမှာရော ဂိုးကွာခြားချက်ရောသာနေခဲ့တာကြောင့် အုပ်စု ပထမနေရာကို ရရှိခဲ့တာလည်းဖြစ်ပါတယ်။ဘိုင်ယန်မြူးနစ်အသင်းကတော့ PSG အိမ်ကွင်းမှာ ရှုံးနိမ့်ထားတဲ့ ရှုံးကြွေးကို ပြန်လည်ချေပနိုင်ခဲ့တာလည်းဖြစ်ပါတယ်။

ဘိုင်ယန်မြူးနစ်အသင်းရဲ့ ပွဲထွက်လူစာရင်းမှာတော့ လီဝန်ဒေါစကီး ၊ ရီဘာရီ၊ ဂျိန်းရော်ဒရီဂွက်၊ ကိုမန်း၊ ရူဒီ၊ တိုလီဆို တို့ကို ထည့်သွင်းအသုံးပြုခဲ့တာလည်းဖြစ်ပါတယ်။PSG အသင်းရဲ့ ပွဲထွက်လူစာရင်းမှာတော့ နေမာ၊ ကာဗာနီ၊ အမ်ဘက်ပီ၊ ဒရက်ဇလာ၊ ရာဘီယော့၊ ဗာရက်တီ တို့ကို ထည့်သွင်းအသုံးပြုခဲ့တာလည်းဖြစ်ပါတယ်။PSG အသင်းဟာ ဘောလုံးပိုင်ဆိုင်မှု၊ ဂိုးကန်သွင်းချက်တွေ အနည်းငယ်အသာရရှိခဲ့ပေမဲ့ အိမ်ရှင်အသင်းကသာ နိုင်ပွဲရယူနိုင်ခဲ့တာဖြစ်ပါတယ်။

ဘိုင်ယန်မြူးနစ်အသင်းအတွက် အဖွင့်ဂိုးကိုတော့ ပွဲစလို့ ၈ မိနစ်မှာပဲ လီဝန်ဒေါစကီး က သွင်းယူပေးခဲ့တာလည်းဖြစ်ပါတယ်။၃၇ မိနစ်မှာတော့ တိုလီဆိုက ဘိုင်ယန်မြူးနစ်အသင်းအတွက် ဒုတိယအနိုင်ဂိုးကို သွင်းယူပေးနိုင်ခဲ့ပါတယ်။၆၉ မိနစ်မှာလည်း တိုလီဆိုကပဲ တတိယ အနိုင်ဂိုးကို သွင်းယူပေးခဲ့တာဖြစ်ပါတယ်။PSG အသင်းအတွက် တစ်လုံးတည်းသောချေပဂိုးကိုတော့ အမ်ဘတ်ပီ က မိနစ် ၅၀ မှာ သွင်းယူပေးခဲ့တာဖြစ်ပါတယ်။