အမေရိကန်သမ္မတထရန့်က ဂျေရုစလင်ကို အစ္စရေးမြို့တော်အဖြစ်အတည်ပြု

အရှေ့အလယ်ပိုင်းဒေသတွေကတော့ အမြဲလိုလို စစ်ရေးတင်းမာနေလျက်ရှိပါတယ်။ အထူးသဖြင့် အစ္စရေးနိုင်ငံအရေးက အမြဲလိုလို ဖြစ်ပျက်နေတာပါ။ အစ္စရေးကို အိမ်နီးချင်း အာရပ်နိုင်ငံများက အမြဲရန်စနေသလို အစ္စရေးကလည်း အမြဲတင်းမာတဲ့သဘောထားနှင့်ပဲ ပြန်တုံ့ပြန်လေ့ရှိပါတယ်။ ယခုအခါလည်း နောက်ထပ် အကြမ်းဖက်မှုတွေ ထပ်မံပေါ်ပေါက်လာဖွယ်ရှိပါတယ်။ ဒါကတော့ အမေရိကန်သမ္မတ ဒေါ်နယ်ထရန့်နှင့်လည်းသက်ဆိုင်နေတာပါ။ အကယ်၍သာ ထရန့်အနေဖြင့် ဂျေရုစလင်မြို့ကို အစ္စရေးနိုင်ငံ၏မြို့တော်အဖြစ် သတ်မှတ်လိုက်ပါက အကြမ်းဖက်မှုများပိုအားကောင်းလာဖွယ်ရှိတယ်လို့ အာရပ်အဖွဲ့ချုပ် သတိပေးခဲ့တာပဲဖြစ်ပါတယ်။ 

ထိုကဲ့သို့ ဂျေရုစလင်အား အစ္စရေးမြို့တော်အဖြစ် သတ်မှတ်ရန် အမေရိကန်သမ္မတ ဒေါ်နယ်ထရန့်က ဆုံးဖြတ်ပါက အစွန်းရောက်မှုနှင့် အကြမ်းဖက်မှုအား ပိုမိုအားကောင်းလာစေနိုင်ကြောင်း အာရပ်အဖွဲ့ချုပ်ဥက္ကဋ္ဌက ဒီဇင်ဘာ ၃ ရက်တွင် သတိပေးခဲ့တာဖြစ်ပါတယ်။ ထို့ပြင် ယင်းဆုံးဖြတ်ချက်သည် အစ္စရေး-ပါလက်စတိုင်း ငြိမ်းချမ်းရေးလုပ်ငန်းစဉ်ကို အထောက်အကူ မဖြစ်စေနိုင်ကြောင်းလည်း အာမက်အဘူဂါအိက ကိုင်ရိုတွင် သတင်းထောက်များအား ပြောကြားခဲ့ပါတယ်။ ထို့ကဲ့သို သတိပေးမှုများ ရှိနေသော်လည်း ဒေါ်နယ်ထရန့်က ဂျေရုစလင်ကို အစ္စရေးမြို့တော်အဖြစ် အတည်ပြုလိုက်ပါတယ်။  

အမေရိကန်သမ္မတ ထရန့်က ဂျေရုစလင်အား အစ္စရေး၏ မြို့တော်အဖြစ် အသိအမှတ်ပြုမှုသည် သမိုင်းကြောင်းဆိုင်ရာနှင့် မျက်မှောက်ခေတ်ဆိုင်ရာ လက်တွေ့အခြေအနေကို အသိအမှတ်ပြုခြင်းဟု ရှုမြင်ခဲ့ကြောင်း ၎င်းက ဆိုခဲ့ပါတယ်။ ဂျူးများ၊ မွတ်စလင်များနှင့် ခရစ်ယာန်တို့အကြား ရာစုနှစ်နှင့်ချီ ကြာမြင့်ခဲ့သော ခါးသီးသည့် အငြင်းပွားမှုများကို ပိုမိုဆိုးရွားစေနိုင်သည့် ယင်းဆုံးဖြတ်ချက်အပြီးတွင် ထရန့်သည် တဲအဗစ်တွင် အခြေစိုက်ထားသော အမေရိကန်သံရုံးကို ဂျေရုစလင်သို့ရွှေ့ပြောင်းရန်အတွက် စီစဉ်ရန် ညွှန်ကြားချက်လည်း ထုတ် ပြန်မည်ဖြစ်သည်ဟုသိရသည်။ ထရန့်က ဂျေရုစလင်ကို အစ္စရေးမြို့တော်အဖြစ် အသိမှတ်ပြုခြင်းနှင့်ကပတ်သတ်၍ မိန့်ခွန်းပြောခဲ့ပါတယ်။ ထိုမိန့်ခွန်းအထဲတွင် ထရန့်က “အရင်အမေရိကန်သမ္မတတွေအနေဖြင့် ဂျေရုစလင်ကို အစ္စရေးမြို့တော်အဖြစ် အသိမှတ်ပြုမည်ဟု ပြောခဲ့သော်လည်း သူတို့တွေလုပ်ဆောင်ရန်ပျက်ကွက်ခဲ့ပါတယ်။ သို့သော် ကျွန်ုပ်က ယနေ့မှာတော့ အသိအမှတ်ပြုနိုင်ခဲ့ပါပြီ” လို့ထည့်ပြောခဲ့ပါတယ်။

Source – The Guardian