စစ်ဆေးမှုကြောင့် တရားခံသေဆုံးခဲ့သည့်အတွက် စစ်ဆေးသူ ရဲတပ်ဖွဲ့ဝင် (၇)ဦးအား ထောင်ဒဏ်(၈)နှစ်စီချမှတ်

သထုံမြို့ချမ်းမြေ့တည်းခိုခန်းမန်နေဂျာကို စွပ်စွဲမှုတစ်ခုဖြင့် စစ်ဆေးရာမှု သေဆုံးသွားခဲ့သောကြောင့် စစ်ဆေးခဲ့သည့် သထုံမြို့နယ် ရဲတပ်ဖွဲ့ဝင်(၇)ဦးအား ရာဇသတ်ကြီးဥပဒေပုဒ်မ ၂၉၉ ပါ ပြည်သူ့ ဝန်ထမ်းက လုပ်ပိုင်ခွင့်ဘောင်ကျော် ပြုလုပ်သည်ဆို

၍ ရာဇသတ်ကြီးဥပဒေ ပုဒ်မ ၃၀၄ အရ အလုပ်နှင့်ထောင်ဒဏ် ၈ နှစ်စီကျခံစေရန် နိုဝင်ဘာ ၂၃ ရက်နေ့တွင် သထုံခရိုင်တရားသူကြီးဒေါ်ဖြူဖြူသွယ်ကအမိန့်ချလိုက်ကြောင်း သိရသည်။

၂၀၁၆ ခုနှစ် မတ် ၂ ရက်က မွန်ပြည်နယ် သထုံမြို့၊ ဘင်လှိုင်ရပ်ကွက်ရှိ ချမ်းမြေ့တည်းခိုခန်းတွင် ငွေ ကျပ်သိန်း (၁၁၀) ကျော် ပျောက်ဆုံးမှု သံသယဖြင့် အချုပ်အနှောင်ခံထားရသည့် တည်းခိုခန်းမန်နေဂျာ ကိုကျော်သက်အောင်အား ခရိုင်မှုခင်း အကူဌာနမှ ရဲများက သထုံမြို့မ ရဲစခန်းအချုပ်ခန်းမှ ထုတ်ယူပြီး စစ်ဆေးစဉ် နံရိုး ၃ ချောင်း ကျိုးပြီး၊ အသည်း ပေါက်ပြဲဒဏ်ရာများဖြင့် သေဆုံးသွားခဲ့ခြင်း ဖြစ်ကြောင်း ခရိုင်ဆေးရုံ၏ ဆေးမှတ်တမ်းအရ သိရသည်။