Huawei နောက်ဆုံးထွက်ဖုန်းအသစ်ဖြစ်တဲ့ Nova 2s

Huawei ကတော့ ပရိသတ်ကြီးနှင့် ရင်းနီးကျွမ်းဝင်နေတဲ့ တံဆိပ်တစ်ခုပဲဖြစ်ပါတယ်။ Huawei အနေဖြင့် နောက်ပိုင်းမှာ အရည်အသွေးမြင့်ဖုန်းတွေကို ဆက်တိုက်ဆိုသလို ထုတ်လုပ်လာခဲ့ပါတယ်။ Huawei အနေဖြင့် နိုင်ငံတကာစျေးကွက်မှာ နေရာကြီးကြီးရယူနိုင်ဖို့ ကြိုးစားနေတာပါ။ ယခုအခါမှာတော့ ဖုန်းအသစ်ဖြစ်တဲ့ Huawei Nova 2s ထွက်ရှိလာပါတယ်။

Huawei Nova 2s အနေဖြင့် HiSilicon Kirin 960 Chipset ကိုအသုံးပြုထားပါတယ်။ CPU ကတော့ Octa-core (4x2.36 GHz Cortex-A53 & 4x1.7 GHz Cortex-A53) ဖြစ်လို့ မြန်ဆန်သွက်လက်နေမှာပဲဖြစ်ပါတယ်။ ဖုန်းကို Andriod OS 8.0 အသုံးပြုကာ ထုတ်လုပ်ထားပါတယ်။ ဖုန်း၏မျက်နှာပြင်အကျယ်က 6 လက်မ အကျယ်ရှိကာ 1080 x 2160 pixels ရှိတာကို တွေ့ရှိရမှာပါ။ ဒါ့အပြင်ဖုန်း၏ မျက်နှာပြင် အချိုးအစားကတော့ 18:9 ပဲဖြစ်ပါတယ်။ ဖုန်းမှာ ပါ၀င်တဲ့ RAM ကတော့ 6 GB နှင့် 4 GB ရယ်နှစ်မျိုးကွဲသွားမှာပါ။ သို့သော် RAMကမြင့်မားတာကြောင့် လျင်မြန်သွက်လက်စေမှာပါ။ ဖုန်းမှာ လက်ဗွေရာစနစ်လည်းပါ၀င်ပါတယ်။ 

Huawei Nova 2s မှာတော့ မှဏ်ညဏ်သိုလှောင်နိုင်စွမ်း 64GB နှင့် 128 GBရယ်ဟူ၍ နှစ်မျိုးကွဲသွားမှာပဲ ဖြစ်ပါတယ်။ 64 GB ကတော့ Ram 4 GB (or) 6 GB ပါ၀င်မှာဖြစ်ပြီး 128 GB ကတော့ Ram 6 GB ဖြစ်ပါတယ်။ အကယ်၍ ROMကသင့်အတွက်မလုံလောက်ပါက 256GB ထိ Micro SD Card အသုံးပြုကာ မြင့်တင်နိုင်ပါတယ်။ ကင်မရာကတော့ Dual Camera ဖြစ်ကာ တစ်လုံးက 16 Megapixels ဖြစ်ပြီး တစ်လုံးကတော့ 20 Megapixels ပဲဖြစ်ပါတယ်။ Selfie ဆွဲရန် 8 Megapixels ပါ၀င်တဲ့ ကင်မရာတစ်ခုလည်း ပါ၀င်တာကြောင့် Selfie ဆွဲဖို့ကောင်းမွန်ပါတယ်။ Huawei Nova 2s ၏စျေးနှုန်းကတော့ ယူရို၄၀၀ ဖြစ်ပါတယ်။

Hein (Mg Lu Aye)

Source – Gsmarena