လမင်းကြီးရဲ့ အမှောင်ဘက်အခြမ်းမှာ ဘာတွေရှိနေတာလဲ

ကျနော်တို့ ကမ္ဘာမြေပေါ်ကနေ လရဲ့မျက်နှာပြင်ကို မြင်နိုင်ပါတယ်။ဒါပေမယ့် လရဲ့ ပုံစံ အပြည့်အဝကို မမြင်ရပဲ တစ်ခြမ်းကိုသာတွေ့နိုင်တဲ့အတွက် ကျနော်တို့ မမြင်နိုင်တဲ့ လရဲ့ အခြားတစ်ဖက်မှာ ဘာတွေရှိလဲဆိုတာကို ဗဟုသုတအဖြစ် ဖော်ပြပေးလိုက်ပါတယ်။တစ်ကယ်တော့ ကျနော်တို့ကို ငယ်စဉ်ကလူကြီးမိဘတွေပြောပြခဲ့တဲ့ ဆန်ဖွပ်တဲ့အဘိုးအိုနဲ့ရွှေယုန်လေးဝပ်နေသလိုပုံသဏ္ဍာန်တွေဟာ လပေါ်က ချိုင့်ဝှမ်းနဲ့ တောင်တန်းတွေပါ။ နောက်တစ်ချက်က လရဲ့မျက်နှာပြင်တစ်ဖက်ကိုသာ မြင်ရတဲ့အကြောင်းပါ။

လမင်းကြီးဟာ သူ့ဝင်ရိုးပေါ်မှာသူ တစ်ပါတ်ပြည့်အောင်လှည့်ပတ်ဖို့ (ကမ႓ာရက်) ၂၇ ရက် ကြာမြင့်ပါတယ်။ နောက်ပြီး သူဟာ ကမ႓ာကြီးကို လမ်းကြောင်း တစ်ပတ်ပြည့်အောင် လည်ပတ်ဖို့ကတော့ ၂၇ ရက် ရ နာရီနဲ့ ၄၃ မိနစ် ကြာမြင့်ပါတယ်။ ဒီနှစ်ခုဟာ အနီးစပ်ဆုံး သွားပြီးတူညီနေတဲ့အခါ လ ရဲ့ လှည့်ပတ်ခြင်းကို ကျနော်တို့မမြင်ရတော့ပဲ ဘယ်နေရာ၊ ဘယ်အချိန်ကြည့်ကြည့် လဟာ တစ်မျိုးတည်း (တမျက်နှာတည်း) ဖြစ်နေရတာပါ။ 

နောက်ထပ်စိတ်ဝင်စားဖွယ်ကောင်းတဲ့အချက်ကတော့ ကျနော်တို့ မမြင်ရတဲ့ လရဲ့ အမှောင်ဘက်ခြမ်းဟာ ဒါဏ်ရာများနဲ့ ပြည့်နက်နေပါတယ်။ ဘာကြောင့်ဒီလိုဖြစ်နေရသလဲဆိုရင် ကမ႓ာ နဲ့ လ တို့ ဖြစ်တည်ခဲ့တဲ့ နှစ်ပေါင်း ၄ ဘီလီယံကျော် အတွင်းမှာ ကမ႓ာပေါ်ကျရောက်နိုင်မယ့် ဥက္ကာခဲ တော်တော်များများကို သူ့ရဲ့ကျောပြင်နဲ့ ဒိုင်းသဖွယ် ကာရံပေးထားခဲ့တာကြောင့်ပဲဖြစ်ပါတယ်။ ၁၉၅၇ ခုနှစ် အောက်တိုဘာလမှာတော့ ဆိုဗီယက် (ရုရှား) အာကာသယာဉ် (Luna 3) က လ ရဲ့ နောက်ကျောကို ပထမဆုံး ဓါတ်ပုံရိုက်ကူးနိုင်ခဲ့ပါတယ်

Source : သန့်ဦး (အာကာသနှင့် စကြဝဠာ သင်ထောက်ကူ)