ပရိသတ်တွေရဲ့ အားပေးမှုနဲ့ ချစ်ခြင်းမေတ္တာကို တခဲနက်ရရှိထားတဲ့ နှင်းဆီ အငြိမ့်အဖွဲ့ရဲ့ အဖွဲ့ဝင်တစ်ဦးုဖစ်တဲ့ နာမည်ကြီးအဆိုတော် မိုးမိုးရဲ့ နေအိမ်ဖောက်ထွင်းခံခဲ့ရတယ်လို့ သူ့ရဲ့ လူမှုစာမျက်နှာမှတဆင့် သိရပါတယ်။ မိုးမိုးကတော့ အိမ်ဖောက်ထွင်းခံရတဲ့ အဖြစ်အပျက်အသေးစိတ်ကိုတော့ သူ့ရဲ့ လူမှုစာမျက်နှာမှာ ပုံနဲ့တွဲပြီး အသေးစိတ်ရှင်းပြထားတာ တွေ့ရပါတယ်။
"မနက် ၄:၃၀ နဲ့ ၅:၀၀ ကြား
ကျွန်တော့်အိမ် သူခိုးဝင်ပါတယ်
အိမ်အောက်ထပ်က ဝင်လို့မရတဲ့အတွက်
အိမ်အပေါ်ထပ် ခေါင်းရင်းပြတင်းပေါက်ကနေ
မရမက ဝင်လာတာပါ
(ဝင်လာပုံ ကို ပုံနဲ့ caption တွဲပြထားပါတယ်)
သူခိုးက ဝင်လာပြီး အိပ်နေတဲ့ အသေးလေး(ဒေါ်ဘုမ မွေးစားထားတဲ့ ကိုးတန်းကျောင်းသူကလေး)ကို
နှိုးသတဲ့ဗျ
လည်ပင်းကို ဓားနဲ့ထောက်တယ် ပြီးတော့
"ငါ ပိုက်ဆံလိုနေလို့ ပိုက်ဆံတွေဘယ်မှာထားသလဲ"
လို့ မေးသတဲ့ ခလေးမလေးကလဲ သူမသိကြောင်း
ပြောတာပေါ့
အဲဒါကို ကျကျနန တင်ပလ္လင်ခွေထိုင်ပြီး မျက်နှာချင်းဆိုင်
၅ မိနစ်လောက် ဓားနဲ့ထောက် မေးနေသတဲ့
အသေးလေးကလဲ တင်ပလ္လင်ခွေထိုင်လျှက်
ကနေ ခြေထောက်ဆင်းသလိုလိုနဲ့
ဘေးကကာထားတဲ့ အလူမီနီယံ နံရံကို
ကန်ထည့်လိုက်ချိန် အသံထွက်သွားတော့
ဟိုအကောင် သတိနည်းနည်းလွတ်သွားပုံရတယ်
ဒါနဲ့ အသေးလေးက သူ့ကို တွန်းထည့်ုပြီး
"ဟော ဒမှာ လူဝင်နေလို့.."ထအော်ရော
ကိုယ်တွေလဲ နိုးလာပြီး အခန်းထဲကပြေးထွက်လာချိန်
ကိုရွှေသူခိုးများ လျင်ချက်ဗျိူ း
ပြတင်းပေါက်ကနေအမြန်ထွက် ခုန်ချပြေးပုံများ
ကိုယ်လဲ ပြတင်းပေါက်ကခေါင်းပြူကြည့်ချိန်
သကောင့်သားက လမ်းထိပ်တောင်ရောက်နေပြီ
အသေးလေး ဉာဏ်ကောင်းလို့သာပေါ့
နော့မို့ဆို သူအတွက်က သိပ်အန္တရာယ်ကြီးတယ်
ဘာပစ္စည်းမှ ပါမသွားသော်ငြား နောက်တခါဆိုတာ
ဖြစ်မလာနိုင်ဘူးလို့ ဘယ်သူပြောနိုင်မလဲ
ဒါနဲ့ ရဲစခန်းတိုင်စရာရှိတာတိုင်
ရပ်ကွက်ရုံး အကြောင်းကြားတော့ လုပ်လိုက်တယ်
ကျန်တာကတော့ ကိုယ့်ဘာသာလုပ်ရမှာပေါ့လေ
ရှိရှိသမျှ ပြတင်းပေါက်တွေ သံပန်းတွေတပ်ဖို့
ချက်ချင်း စီစဉ်လိုက်ရတယ်..လုံခြုံဖို့ အဓိကမို့လား
၂၀၁၇ ရဲ့ အမှတ်တရ ခရစ်စမတ်ပေါ့လေ" ဆိုပြီး ပြောပြထားပါတယ်။ ပရိသတ်တွေကတော့ မိုးမိုးအတွက် စိုးရိမ်နေကြပြီး ဂရုစိုက်ပြီး သတိကြီးစွာနေထိုင်ဖို့လည်း မှာနေကြတာတွေ့ရပါတယ်။
Source: Moe Moe
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။