ကျော်ကိုကိုနဲ့တွဲကစားမယ့်တိုက်စစ်မှူး

ကျော်ကိုကိုရဲ့အသင်းသစ်ချင်ရိုင်းယူနိုက်တက်ဆိုတာ

ထိုင်းပရီးမီးယားလိဂ်ရဲ့အင်အားကြီးအသင်းတစ်သင်းပါ။

2009ခုနှစ်မှာမှစတင်တည်ထောင်ခဲ့ပေမယ့်ငွေကြေး

အင်အားအလွန်တောင့်တင်းတာကြောင့်အခုအချိန်မှာတော့

ထိုင်းဘောလုံးလောကရဲ့ထိပ်သီးအသင်းကြီးဖြစ်နေပါပြီ။

လက်ရှိထိုင်းဘောလုံးလောကရဲ့အမြင့်မားဆုံးပြောင်းရွှေ့ကြေး

ဖြစ်တဲ့ဘတ်သန်း(50)တန်အပြောင်းအရွှေ့ဖြစ်တဲ့ထိုင်းလက်ရွေးစင်ကွင်းလယ်လူသာနာဘွန်းကိုလည်း2017ခုနှစ်ကခေါ်ယူ

ထားပါတယ်။ပြောင်းရွှေ့ကြေးမြင့်မားတဲ့

နိုင်ငံခြားသားပလေယာတွေဖြစ်တဲ့ဗန်ဒါလူးဝစ်ဖိလစ်ပီ၊ဟင်းနရစ်ဆေးဗားစတဲ့ကစားသမားတွေကိုလည်းခေါ်ယူမှု

တွေပြုလုပ်ထားပါတယ်။

ဒီနှစ်ဘောလုံးရာသီမှာနိုင်ငံခြားသားကစားသမား

တွေကိုအပြောင်းအလဲပြုလုပ်ထားပါတယ်။

အရင်နှစ်ကတိုက်စစ်မှူးတွေအားလုံးကိုထွက်ခွာခွင့်ပြုခဲ့တယ်လို့သတင်းထွက်နေပြီးအသစ်ခေါ်ယူထားတဲ့

နိုင်ငံခြားတိုက်စစ်မှူးတွေဖြစ်တဲ့ကျော်ကိုကိုနဲ့ဆယ်တန်ဆေးဗားတို့လောက်ပဲရှေ့တန်းမှာရှိနေမှာပါ။

သူတို့နဗစ်ယောက်အပြင်နောက်ထပ်ရှေ့တန်းလူတစ်ဦးကသွန်ဆန်ကရိုင်းပါ။သွန်ဆန်ကရိုင်းကတော့မြန်မာအသင်းနဲ့

တွေ့ဆုံတိုင်းဂိုးသွင်းတတ်လို့သူ့ကိုမြန်မာပရိသတ်တွေရင်း

နှီးပြီးသားပါ။

ဘရာဇီးသားဆယ်တန်ဆေးဗားကထိုင်းလိဂ်ရဲ့ဂန္တဝင်

နိုင်ငံခြားသားကစားသမားတစ်ဦးပါ။သူဟာထိုင်းလိဂ်ရဲ့ထိပ်သီးအသင်းကြီးတွေဖြစ်တဲ့တယ်ရိုဆာဆနာ၊

မြောင်တောင်အသင်းတွေမှာကစားဖူးပြီးထိုင်းလိဂ်ဂိုးတစ်ရာသွင်းနိုင်ခဲ့တဲ့ပထမဆုံးနိုင်ငံခြားကစားသမားပါ။

မက္ကဆီကိုလိဂ်နဲ့တရုတ်လိဂ်မှာသွားကစားဖူးပြီးသူနောက်ဆုံးကစားခဲ့တာကရှန်ဟိုင်းရှန်နင်ပါ။

ဒီနစ်မှာတော့ချင်ရိုင်းအသင်းရဲ့ခေါ်ယူမှုနဲ့ထိုင်းလိဂ်ကိုပြန်လာခဲ့တာပါ။2012နဲ့2016ခုနှစ်တွေမှာထိုင်းလိဂ်ရဲ့ဂိုးသွင်းအများ

ဆုံးရွှေဖိနပ်ဆုရယူခဲ့တဲ့သူဆီကကျော်ကိုကိုအနေနဲ့သင်ယူစရာတွေများစွာရှိနေမှာပါ။ကျော်ကိုကိုနဲ့နောက်ထပ်တွဲကစား

ရမယ့်ထိုင်းကစားသမားသွန်ဆန်ကရိုင်းကတော့ပတ္တယားယူနိုက်တက်ကိုအဌားချခံရပြီးအခုမှချင်ရိုင်းကို

ပြန်လာတာပါ။သွန်ဆန်ကရိုင်းဟာတိုက်စစ်မှူဆိုပေမယ့်တောင်ပံကစားသမားပိုဆန်ပါတယ်။ဒီအတွက်ကြောင့်

နောက်နှစ်ဘောလုံးရာသီချင်ရိုင်းအသင်းရဲ့ရှေ့တန်းမှာဆယ်တန်ဆေးဗားနဲ့ကျော်ကိုကိုအတွဲကိုမြင်တွေ့ရဖို့များ

နေပါတယ်။

agu