၁၀ နှစ်နားပြီး အနုပညာလောကထဲပြန်ဝင်လာတဲ့ ထက်ထက်မိုးဦးရဲ့အကို ထက်နိုင်အောင်

ထက်ထက်မိုးဦးဆိုရင် ကလေးအစလူကြီးအဆုံး ချစ်ခင်ကြတဲ့ အနုပညာလောကရဲ့ နာမည်တွင်ကျန်ရစ်မယ့် မင်းသမီးတစ်ယောက်လို့ လူတိုင်းသိကြပါတယ် ။

သူမရဲ့ ဟန်ပန်အမူအယာလေးတွေဟာဆိုရင် ချစ်စရာခင်စရာကိုကောင်းနေတာမို့ ချစ်မွှေးပါတဲ့ မင်းသမီးတစ်လက်လို့တောင် ဆိုရမှာပါ ။ တီဗီကြော်ငြာတွေတိုင်းမှာ

သူမရဲ့ ပုံရိပ်တွေပဲမို့ တစ်ခေတ်တစ်ခါက ကြော်ငြာဘုရင်မရယ်လို့တောင် နာမည်တွင်ခဲ့သူလည်းဖြစ်ပါတယ် ။ သူတို့မိသားစုမှာ အနုပညာအလုပ်လုပ်တာ ထက်ထက်မိုးဦးတစ်ယောက်ထဲတော့မဟုတ်ပါဘူး ။ သူမ အကို ဖြစ်သူကလည်း အနုပညာလှုပ်ရှားမှုတွေ ပြုလုပ်ခဲ့ဖူးပါတယ် ။ သူ့နာမည်ကတော့ ထက်နိုင်အောင်ပါ ။ 

အောင်မြင်ချင်တာ ငွေရေးကြေးရေးတို့ကိုထည့်မတွက်ဘဲ ပရိတ်သတ်ကို အနုပညာချပြချင်တဲ့စိတ်တစ်ခုနဲ့ပဲ အနုပညာလောကထဲကို ပြန်ဝင်လာခဲ့တယ်ဆိုတဲ့ ကိုထက်နိုင်အောင်က လွန်ခဲ့တဲ့ ၁၀ နှစ်ထဲက အနုပညာအလုပ်တွေကိုလုပ်ကိုင်ခဲ့ပေမယ့် ကျန်းမာရေးအခြေအနေချို ့တဲ့လာတာကြောင့် အနားယူခဲ့ရသူပါ ။ ခုတော့ပြန်ကောင်းလာပြီမို့ အလုပ်တွေပြန်လည်လုပ်ဆောင်တော့မယ်လို့ Myanmar Celebrity ရဲ့ အင်တာဗျူးတစ်ရပ်မှာ ဖြေဆိုထားပါတယ် ။

ထက်ထက်မိုးဦးကတော့ ခုချိန်မှာ သီလရှင်ဝတ်နေပြီး သီလရှင်ဝတ်နဲ့ ပျော်သလောက်နေမယ်လို့ ဆိုခဲ့တာမို့ အနုပညာလောကနဲ့ခေတ္တပြန်လည် ဝေးကွာနေဦးမှာပါ ။ ဒါကြောင့်မို့ လက်ရှိမှာ မောင်နှမနှစ်ယောက် အတူတွဲ သရုပ်မဆောင်နိုင်သေးပေမယ့် နောက်ပိုင်းမှာတော့ မြင်တွေ့ရဖို့ ရှိနိုင်ပါတယ် ။ အနုပညာလောကထဲကိုပြန်လည်ဝင်ရောက်လာတဲ့ မထက်ရဲ့ အကိုကိုလည်း အားပေးလိုက်ကြရအောင် ပရိတ်သတ်ကြီးရေ ... 

သတင်းအရင်းမြစ် Myanmar celebrity