နန်းစုရတီစိုးရဲ့ Night Out ပုံရိပ်များ

နာမည်ကျော်အဆိုတော်သရုပ်ဆောင်တစ်ဦးဖြစ်တဲ့ နန်းစုရတီစိုးက သူမ ဘန်ကောက်မြို့မှာ Night Out လျှောက်လည်ခဲ့စဉ်က ချစ်စဖွယ်ပုံရိပ်လေးတွေကို Facebook မှာ တင်ထား တာပဲ ဖြစ်ပါတယ်။ အသံချိုချိုလေးအပြင် ချစ်စဖွယ်ရုပ်ရည်လေးနဲ့ပါ ပရိတ်သတ်တွေကို သူမ က ဆွဲဆောင်ထားပါတယ်။ သူမဟာ ပြီးခဲ့တဲ့နှစ်တွေတုန်းက သီချင်းခွေထွက်ရှိထားပြီး အားပေးသူပရိတ်သတ်အများအပြားနဲ့ အောင်မြင်နေတဲ့ အဆိုတော်တစ်ဦးလည်းဖြစ်ပါတယ်။ သူမ နောက်ဆုံးထွက်ရှိထားတဲ့ “ ရူးအောင် ချစ်ရသူ ” သီချင်းဟာလည်း ပရိတ်သတ်တွေ ကြားမှာ ရေပန်းစားခဲ့တဲ့ သီချင်းလေးတစ်ပုဒ်ပါပဲ။

ဒီသီချင်းလေးရဲ့ MTV ကို ပုဂံရှေးဟောင်းမြို့တော်မှာ သူမရဲ့ချစ်သူ အဆိုတော် G-Fatt နဲ့အတူ ချစ်စဖွယ်ပုံစံလေးဖြစ်အောင် ရိုက်ကူးထားတာပဲဖြစ်ပါတယ်။ သူမတို့ချစ်သူနှစ်ဦး ကြားက ရိုဆန်တဲ့ အချစ်စာလွှာလေးတွေကတော့ ပရိတ်သတ်တွေအတွက် တကယ့်ကို အကြွေဇယားတစ်ခုပါပဲ။ သူမ ပြည်ပကို ခရီးသွားနေစဉ်မှာ သူမရဲ့ချစ်သူ အဆိုတော် G-Fatt က သူမကိုချစ်တဲ့အကြောင်းတွေကို တဖွဲ့တနွဲ့သီကုံးထားတာပဲဖြစ်ပါတယ်။ နန်းစုအပြင် စာကို ဖတ်ရတဲ့သူတွေပါ ကြွေသွားလောက်တဲ့ အရေးအသားတွေမို့ တေးရေးဆရာပီသပါပေတယ်။

အနုပညာလောကထဲမှာ အချိန်ကြာကြာ အောင်မြင်မှုကိုထိန်းသိမ်းထားနိုင်တဲ့ နန်းစုရတီစိုး ရဲ့ ချစ်စဖွယ်ပုံရိပ်လေးတွေကို ပရိတ်သတ်တွေရဲ့အချစ်ကို ပိုမိုဆွဲဆောင်ထားနိုင်ခဲ့ပါတယ်။ ဘယ်အချိန်ကြည့်ကြည့် လျော့မသွားပဲ ပိုပိုပြီးတိုးလာတဲ့ အလှတရားတစ်ခုကို ပိုင်ဆိုင်ထား တဲ့ သူမရဲ့ စွဲမက်ဖွယ်ပုံရိပ်လေးတွေကို ပရိတ်သတ်ကြီးအတွက် တင်ဆက်ပေးလိုက်ပြီနော်။

Photo – Nan Su Yati Soe’s FB