ရန်ကုန်အပြည်ပြည်ဆိုင်ရာလေဆိပ်တွင်တွေ့ရှိသော M-150 အချိုရည်ပုလင်း များနှင့်ပတ်သက်၍ စစ်ဆေးချက်အရ ပေါက်ကွဲစေတတ်သောပစ္စည်းများ မဟုတ်ကြောင်းသိရှိရ

ရန်ကုန်အပြည်ပြည်ဆိုင်ရာလေဆိပ်တွင်တွေ့ရှိသော M-150 အချိုရည်ပုလင်း

များနှင့်ပတ်သက်၍ စစ်ဆေးချက်အရ ပေါက်ကွဲစေတတ်သောပစ္စည်းများ

မဟုတ်ကြောင်းသိရှိရ

၂၉.၁၁.၂၀၁၆ ရက်နေ့ ၀၉၀၅ အချိန်တွင် ရန်ကုန်အပြည်ပြည်ဆိုင်ရာ

လေဆိပ် Terminal (1)၊ ဂိတ်အမှတ်(၃)ဝင်ပေါက် ဘန်ကောက်အဲဝေး

ကောင်တာ အလယ်ဆင့်ပေါ်တွင် M-150 အချိုရည် ၄ လုံးအားအစိမ်းရောင်

ကြွပ်ကြပ်အိတ်ဖြင့်ထည့်လျက်တင်ထားသည်ကို ဘန်ကောက်အဲဝေး

လေကြောင်းလိုင်း လုံခြုံရေးဝန်ထမ်း ဦးပြည့်ဖြိုးဝင်းမှတွေ့ရှိခဲ့ပြီး ဆက်လက်

သတင်းပို့ခဲ့သဖြင့် လေဆိပ်တာဝန်ကျ အမှတ်(၉၀၅)စစ်မြေပြင်အင်ဂျင်နီယာ

တပ်ရင်းမှ တပ်မှူး ဒုဗိုလ်မှူးကြီး ကျော်ကျော်ဦးနှင့်အဖွဲ့က လေဆိပ်ရှေ့

မြက်ခင်းပြင်သို့ယူဆောင်ပြီး ဖွင့်ဖောက်စစ်ဆေးခဲ့ရာ M-150 အချိုရည်

မဟုတ်ဘဲ အဝါရောင်ပျစ်ပျစ်အရည်များထည့်ထားသည်ကို စစ်ဆေးတွေ့ရှိရ

ကြောင်း၊ ၎င်းအချိုရည်ပုလင်းများအား အမှတ်(၉၀၅)စစ်မြေပြင်အင်ဂျင်နီယာ

တပ်ရင်းမှ ဆက်လက်စစ်ဆေးပြီးနောက် အမျိုးအစားသိရှိနိုင်ရန်အတွက်

၁၂၁၅ အချိန်တွင် မင်္ဂလာဒုံမြို့မရဲစခန်းမှတပ်ဖွဲ့ဝင်များက လုံခြုံစွာချိတ်ပိတ်

ထုပ်ပိုး၍ ဓာတုဗေဒဝန်ရုံးသို့ ပေးပို့စစ်ဆေးစေခဲ့ကြောင်း သိရှိရပါသည်။

စစ်ဆေးချက်အရ အဆိုပါ M-150 အချိုရည်ပုလင်းအတွင်းထည့်ထားသော

အဝါရောင်အရည်များမှာ အဆီတစ်မျိုးနှင့်ဖော်စပ်ထားသော တိုင်းရင်းဆေး

ဟုယူဆရပြီး ပေါက်ကွဲစေတတ်သော ဓာတုပစ္စည်းများ ပါဝင်မှုမရှိကြောင်း

သတင်းရရှိပါသည်။

Yangon Police