ငွေကျပ်သိန်း(၈၀)ကျော်လှုဒါန်းခဲ့တဲ့ ခန့်စည်သူတို့အဖွဲ့

ရုပ်ရှင်သရုပ်ဆောင် မင်းသား ခန့်စည်သူ ဦးဆောင်တဲ့ ဦးဆောင်သောမေတ္တာသင်္ဂဟ အဖွဲ့ဟာ ကျောက်ကပ်အစားထ်ိုး ရန်ပုံငွေအဖွဲ့ မန္တလေးကို ကျပ် သိန်း ၈၀ ကျော်လှူဒါန်းခဲ့တယ်လို့ Eleven Media ရဲ့ သတင်းဖော်ပြချက်အရ သိရပါတယ်။

နာမည်ကျော်ရုပ်ရှင်မင်းသားတစ်လက်ဖြစ်တဲ့ ခန့်စည်သူဟာ အလှုအတန်းနဲ့ပတ်သက်ရင် ဘွဲ့တွေလည်း ရရှိထားသူဖြစ်ပြီး ပရဟိတလုပ်ရာမှာလည်း စိတ်အားထက်သန်သူဖြစ်ပါတယ်။

ဇန်နဝါရီလ(၅)ရက်နေ့က သရုပ်ဆောင်ခန့်စည်သူ ဦးဆောင်ပါဝင်တဲ့ မေတ္တာသင်္ဂဟအဖွဲ့ဟာ မန္တလေးဆေးရုံကြီး ၊ ဆီးနှင့်ကျောက်ကပ် ခွဲစိတ်ဌာနနှင့် ဆီးနှင့်ကျောက်ကပ်ဆေးကုဌာနတို့ပူးပေါင်းဖွဲ့စည်းထားတဲ့ ကျောက်ကပ်အစားထိုးရန်ပုံငွေအဖွဲ့ကို အလှူငွေကျပ် သိန်း ၈၀ လာရောက်လှူဒါန်းခဲ့တယ်လို့ သိရပါတယ်။

အနုပညာလောကရဲ့ နာမည်ကြီးမင်းသားတစ်လက်ဖြစ်တဲ့ ခန့်စည်သူကတော့ ၀ါရင့်သရုပ်ဆောင်တစ်ယောက်ပီပီ သရုပ်ဆောင်ပိုင်းမှာ အပိုအလိုမရှိအောင်သဏ္ဍန်လုပ်သရုပ်တူသူဖြစ်တာကြောင့်လည်း ပရိသတ်အခိုင်အမာရရှိထားတာပါ။

ပျော်ပျော်နေတတ်တဲ့ ကိုခန့်ဟာ ရုပ်ရှင်ဇာတ်ကားပေါင်းများစွာရိုက်ကူးထားရပြီး ဇာတ်ရုပ်စုံလင်စွာသရုပ်ဆောင်ဖူးသူဖြစ်ပါတယ်။ လက်တလောမှာတော့ အနုပညာလှုပ်ရှားမှုအနေနဲ့ သူပါ၀င်သရုပ်ဆောင်ထားတဲ့ ဆိုင်းကြိုက်တဲ့မောင် ရုပ်ရှင်ဇာတ်ကားကြီးက ရုံတင်လျက်ရှိပြီး ပရိသတ်အကြိုက်တွေ့နေတဲ့ ဇာတ်ကားတစ်ကားဖြစ်ပါတယ်။ 

ငွေကြေးချမ်းသာပြီး အလှုအတန်းတွေဆက်တိုက်လုပ်ဖြစ်တဲ့ ခန့်စည်သူ ကတော့ အခုလို ငွေကျပ်သိန်း(၈၀)ကျော်လှုဒါန်းမှုအတွက်လည်း မေတ္တာသင်္ဂဟအဖွဲ့နဲ့အတူ ကုသိုလ်တွေအများကြီးရဦးမှာပါပဲ။

ပရိသတ်ကြီးသာဓု ခေါ်လိုက်ပါဦးနော်။  

Source : Kyawsowin.eleven