မြန်မာနေရှင်နယ်လိဂ်ဆိုတာမြန်မာ့ဘောလုံးလောကကို
ကျားကန်ပေးနေတဲ့ပြိုင်ပွဲကြီးတစ်ခုပါ။မြန်မာနေရှင်နယ်လိဂ်
ပြိုင်ပွဲကြီးကျင်းပနိုင်အောင်ကလပ်အသင်းတွေကိုတည်ထောင်
ပေးကြတဲ့နေရှင်နယ်လိဂ်ကလပ်တွေရဲ့အသင်းပိုင်ရှင်တွေဟာလည်းအလွန်လေးစားစရာကောင်းတဲ့လူတွေပါ။
အသင်းဝင်ငွေများများစားစားမရှိပဲနှစ်တိုင်းလိုလိုအိတ်စိုက်ပေးနေကြတဲ့
ဒီလူတွေဟာတကယ့်ကိုကျေးဇူးတင်သင့်သူတွေပါ။
သူတို့တွေရဲ့တစ်ခုတည်းသောမျှော်မှန်းချက်ကမြန်မာ့ဘောလုံးလောကတိုးတက်ရေးပါ။
စိတ်မကောင်းစရာအဖြစ်အပျက်တစ်ခုမနေ့ကဖြစ်သွားခဲ့ပါတယ်။
မြန်မာနေရှင်နယ်လိဂ်ရဲ့
ခေါင်းကိုင်ပုဂ္ဂိုလ်တစ်ဦးဖြစ်တဲ့ဦးသူရိန်ဟာသူချစ်တဲ့မြန်မာ
ဘောလုံးလောကကိုအပြီးတိုင်နှုတ်ဆက်ထွက်ခွာသွားခဲ့ပါတယ်။ဦးသူရိန်ကွယ်လွန်သွားတဲ့အချိန်မှာ
သူ့အသက်ဟာအသက်လေးဆယ်ပဲရှိသေးလို့မွန်းတည့်ချိန်မှာနေဝင်ခဲ့တယ်လို့ပြောလို့
ရပါတယ်။ဦးသူရိန်ဟာစစ်ကိုင်းတိုင်းကိုယ်စားပြုဇေယျာရွှေမြေ
ဘောလုံးအသင်းရဲ့ပိုင်ရှင်ပါ။ဇေယျာရွှေမြေအသင်းဟာ
ပြသနာတစ်ချို့ကြောင့်မနှစ်ကဘောလုံးရာသီကစပြီးနေရှင်နယ်လိဂ်ကနေနှုတ်ထွက်ထားခဲ့ပါတယ်။
စစ်ကိုင်းတိုင်းကပရိသတ်တွေကတော့ဇေယျာရွှေမြေအသင်း
နေရှင်နယ်လိဂ်မှာပြန်လည်ပါဝင်လာမယ်လို့ထင်နေကြဆဲ။
ဒါပေမယ့်အခုအခါမှာတော့ဇေယျာရွှေမြေအသင်းရောဇေယျာ
ရွှေမြေပိုင်ရှင်ဦးသူရိန်ပါပရိသတ်ကိုထာဝရနှုတ်ဆက်သွားခဲ့
ပြီလို့ဆိုရမှာပါ။စိတ်ကောင်းနှလုံးကောင်းရှိတဲ့ဦးသူရိန်ကို
ဆုံးရှုံးရတာဟာမြန်မာ့ဘောလုံးလောကအတွက်လည်း
နစ်နာစေပါတယ်။သူဟာမြန်မာ့ဘောလုံးလောက
တိုးတက်ရေးအတွက်ဘယ်နေရာကပါရပါရဆိုတဲ့လူစားမျိုးပါ။
RIPပါဦးသူရိန်။ကောင်းရာသုဂတိလားပါစေ။
Source-MNL
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
