ပါကစ္စတန်မှာ အသေခံဗုံးခွဲတိုက်ခိုက်မှုကြောင့် လူ ၆ ဦးခန့်သေဆုံး

ဇန်နဝါရီ ၉ ရက်နေ့က ပါကစ္စတန်အနောက်တောင်ပိုင်းအရပ်ရှိ ကွတ်တာမြို့မှာ အသေခံဗုံးခွဲတိုက်ခိုက်မှု ဖြစ်ပွားခဲ့ပါတယ်။ထိုအသေခံဗုံးခွဲသမားရဲ့ လက်ချက်ကြောင့် သေဆုံးသူ ၆ ဦးထက်မနည်းသေဆုံးခဲ့ရပါတယ်။ဒါ့အပြင် လူ ၁၆ ဦးခန့်ဒဏ်ရာရရှိခဲ့တာလည်းဖြစ်ပါတယ်။သေဆုံးသူ ၆ ဦးခန့်မှာ ရဲတပ်ဖွဲ့ဝင် ၅ ဦးပါဝင်ခဲ့တာလည်းဖြစ်ပါတယ်။ 

အကြီးတန်းအရာရှိဖြစ်သူ အဘူလ်ရက်ဇက်ချီမာက "အသေခံဗုံးခွဲသမားဟာ မော်တော်ဆိုင်ကယ်စီးလာပြီး ဘတ်စ်ကားတစ်စီးကို အရှိန်နဲ့ ဝင်တိုက်ခဲ့တာဖြစ်ပါတယ်။အသေခံဗုံးခွဲသမားထံမှာ ပါလာတဲ့ ဗုံးတွေဟာ ပေါက်ကွဲမှုတွေ ဖြစ်ပေါ်ခဲ့တာကြောင့် ရဲတပ်ဖွဲ့ဝင် ၅ ဦးထက်မနည်းသေဆုံးခဲ့ရပြီး လမ်းသွားလမ်းလာ တစ်ဦးသေဆုံးခဲ့ရတာလည်းဖြစ်ပါတယ်။လူ ၁၆ ယောက်ခန့်ကတော့ ဒဏ်ရာရရှိခဲ့ပါတယ်"လို့ ပြောကြားခဲ့ပါတယ်။

အဆိုပါတိုက်ခိုက်မှုနဲ့ ပတ်သတ်ပြီး မည်သည့်အဖွဲ့အစည်းကမှ ၎င်းတို့ရဲ့ လက်ချက်ပါလို့ ထုတ်ဖော်ပြောဆိုထားခြင်းမရှိသေးတာလည်းဖြစ်ပါတယ်။ယခုတိုက်ခိုက်ခံရတဲ့ ခရိုင်ဟာ အစ္စလာမ်မစ်စစ်သွေးကြွများရဲ့ လက်ချက်ကြောင့် မငြိမ်မသက်ဖြစ်နေတဲ့ ဒေသတစ်ခုလည်းဖြစ်ပါတယ်။ဒါ့အပြင် နောက်ထပ်အဖွဲ့တွေဖြစ်တဲ့ ဂိုဏ်းဂဏစွဲအကြမ်းဖက်မှုများနဲ့ ခွဲထွက်ရေးအဖွဲ့များကြောင့်လည်း မငြိမ်မသက်ဖြစ်နေရတာလည်းဖြစ်ပါတယ်။

source - mizzima - news in burmese