မတူညီတဲ့နယ်ပယ်မှာထွန်းပေါက်တဲ့ ကျော်ကြားသူမောင်နှမများ

လူတစ်ကိုယ်စိတ်တစ်မျိုး မဟုတ်ပါလား ပရိတ်သတ်ကြီးတို့ရေ ... လူတိုင်းမှာ ကိုယ်စိတ်ဝင်စားရာ ကိုယ်အားသန်ရာတွေရှိကြတာမို့ ကျင်လည်ရာနယ်ပယ်ချင်းလဲ မတူညီကြပါဘူး ။ နယ်ပယ်တစ်ခုချင်းဆီအလိုက်ထင်ရှားသူတွေရှိကြတဲ့ ထဲမှာ အနုပညာရှင်တွေနဲ့ညီအကိုမောင်နှမတော်နေသူတွေလည်းရှိကြပါတယ် ။

ဘယ်မောင်နှမတွေက ဘယ်နယ်ပယ်တွေမှာကျော်ကြားသလဲ ဆိုတာ အောက်မှာကြည့်ကြရအောင်နော် ... 

ဘာဘူ နဲ့ သန္တာလှိုင်

ဘာဘူ ကတော့ Hip Hop ခေတ်ဦးရဲ့ အဆိုတော်တစ်ယောက်ဖြစ်ခဲ့ပြီး အားပေးတဲ့ ပရိတ်သတ်တွေ အခိုင်အမာနဲ့ ရပ်တည်ခဲ့သူပါ ။

သီချင်းဆိုရုံတင်မကဘဲ အတီးပိုင်းရော Music Producer တစ်ယောက်အဖြစ်ပါရပ်တည်ခဲ့သူဖြစ်ပါတယ် ။

သန္တာလှိုင်ကတော့ အားလုံးသိကြတဲ့အတိုင်း နာမည်ကျော် မော်ဒယ်တစ်ယောက်ဖြစ်ခဲ့ပြီး ခုနောက်ပိုင်းမှာတော့ Body Trainer တစ်ယောက်အဖြစ်ရပ်တည်နေပြီး ကျော်ကြားသူတစ်ဦးလည်းဖြစ်ပါတယ် ။ 

သားစိုး နဲ့ မြေမှုန်လွင်

ရောသမမွှေစီးရီးနဲ့ ဒိတ်ဒိတ်ကျဲအောင်မြင်ခဲ့သူသားစိုးကတော့ မြန်မာတေးဂီတနဲ့ အနောက်တိုင်းတေးဂီတကိုရောစပ်ဖန်တီးတဲ့သီချင်းတွေနဲ့ အောင်မြင်ကျော်ကြားသူဖြစ်ပြီး မြေမှုန်လွင်ကတော့ စာရေးဆရာ တစ်ဦးအဖြစ်ရော ငါတို့စာပေ တိုက်ပိုင်ရှင် စာအုပ်ထုတ်ဝေသူ တစ်ဦးအဖြစ်ပါ စာပေနယ်ပယ်ထဲမှာထင်ရှားကျော်ကြားပါတယ် ။ မြေမှုန်လွင်ရဲ့ " ကျောက်စာကို ခဲဖျက်နှင့်ဖျက်၍မရ" ဆိုတဲ့ စာအုပ်ဟာ စတင်ထုတ်ဝေစဉ်မှာ အချိန်တိုအတွင်း ထုတ်သမျှစာအုပ်တွေအားလုံးပြတ်လပ်သည်အထိရောင်းရခဲ့ပါတယ် ။ ခုနောက်ပိုင်းထုတ်ဝေတဲ့ စာအုပ်တွေဟာလည်း စာပေချစ်သူတွေ အကြိုက်တွေ့တဲ့ စာအုပ်တွေဖြစ်ခဲ့ပါတယ် ။ 

ထွန်းအိန္ဒြာဗိုလ် နဲ့ ဒေါ်သက်သက်ခိုင်

ထွန်းအိန္ဒြာဗိုလ်ကိုတော့ ပရိတ်သတ်နဲ့ အထွေအထူးမိတ်ဆက်ပေးစရာမလိုတော့ပါဘူး ။ နာမည်ကျော် အနုပညာရှင်တစ်ယောက်ဖြစ်တဲ့သူမဟာ အဆိုပိုငး်မှာရော သရုပ်ဆောင်ပိုင်းမှာပါ ပြောစရာမလိုအောင် ပါရမီပြည့်ဝသူပါ ။ သူမရဲ့ ညီမ ဖြစ်တဲ့ ဒေါ်သက်သက်ခိုင်ကတော့ နာမည်ကျော် ရွှေနန်းတော် ရတနာဆိုင်တွေ ရဲ့ ပိုင်ရှင်တစ်ဦးဖြစ်ပြီး ပြည်သူ့လွှတ်တော်အမတ်လဲ ဖြစ်ပါတယ် ။

အကြည်တော် နဲ့ ဓိရာမိုရ်

အကြည်တော်ကတော့ ပရိတ်သတ်အချစ်တော် အောင်မြင်တဲ့ဟာသစာရေးဆရာတစ်ဦးဖြစ်ပြီး ဓိရာမိုရ်ကတော့ အနုပညာအလန်းစားတွေဖန်တီးတဲ့ ဂီတပညာရှင်တစ်ဦးအဖြစ် ထင်ရှားသူပါ ။

လွှမ်းပိုင် နဲ့ ကျော်ဆု

လူငယ်ပရိတ်သတ်တွေအခိုင်အမာနဲ့ အနုပညာရှင်တစ်ဦးကတော့ လွှမ်းပိုင်ပါ ။ သူက သီိချင်းတွေဆိုတဲ့ဘက်မှာအောင်မြင်သလို သူ့ အကိုဖြစ်တဲ့ ကျော်ဆုကလည်း

သရုပ်ဆောင်ပိုင်းဘက်မှာ ပရိတ်သတ်အများအပြားရရှိနေပါပြီ ။ MRTV 4 ကလွှင့်တဲ့ ဇာတ်လမ်းတွဲတွေမှာပါ၀င်သရုပ်ဆောင်ပြီး သူခေါင်းဆောင်ပါ၀င်ထားပြီး ခုလက်ရှိ MRTV 4 ကထုတ်လွှင့်နေတဲ့ ဥယျာဉ်မှုးဖြစ်ဖူးချင်သည် ဇာတ်လမ်းတွဲဟာလည်း လူကြိုက်များနေပါတယ် ။

သူတို့ကတော့ မောင်နှမတွေဖြစ်ပြီး မတူညီတဲ့ နယ်ပယ်တွေမှာအောင်မြင်နေကြသူတွေပါ ။ ဘယ်မောင်နှမကို သဘောကျလဲ ပြောသွားကြည့်ပါလား ပရိတ်သတ်ကြီးရေ ...