တယောက်အမှားကြောင့်အများထိခိုက်ခဲ့ရတဲ့ ကားတိုက်မှု

ယမန်နေ့ ဇန်နဝါရီလ ၁၀ရက်နေ့ တွင် မင်္ဂလာဒုံမြို့နယ်တွင် ကားတိုက်မှုတစ်ခုဖြစ်ပွားခဲ့တယ်လို့သိရပါတယ်။ အဆိုပါဖြစ်စဉ်မှာ ရန်ကုန်တိုင်းဒေသကြီး မင်္ဂလာဒုံမြို့နယ်၊ အမှတ်၃လမ်းမ ပုလဲအိမ်ရာအိမ်ယာမှတ်တိုင်တွင် ကား၄စီးဆင့်တိုက်မှုဖြစ်ပွာခဲ့တာဖြစ်ပါတယ်။ ဖြစ်ပွားသည့်အချိန်ကတော့ မနက် ၆ နာရီလို့သိရပါတယ်။

ကားတိုက်မှုစတင်ပုံမှာ ရှေ့ဆုံးမှမောင်းနှင်လာသော ကုန်ကားရှေ့တွင် ကားတစ်စီးသည် အမှတ်မထင်ဖြတ်ကွေ့သဖြင့် ကုန်ကားကြီးက ဘရိတ်နင်းလိုက်ရာ နောက်မှပါလာသော ကားသုံးစီးနှင့်အတူ ကားလေးစီးဆင့်တိုက်ခဲ့တာဖြစ်ပါတယ်။ကားတိုက်ကြောင့် Bongo ကားပေါ်မှ ယဉ်မောင်းမှာ ညပ်နေသဖြင့် ပုလဲမြို့သစ် အရန်မီးသတ်မီးသတ်တပ်ဖွဲ့ နှင့် တာဝန်သိပြည်သူတချို့ကဝိုင်းဝန်းဆွဲထုတ်ကူညီပေးခဲ့တယ်လို့သိရပါတယ်။

သို့သော်လည်းကားတိုက်မှုကအရှိန်ပြင်းထန်လှတဲ့အတွက် ကားချိုင့်သံပိုက်လုံးတို့နဲ့ ထုတ်လို့မရဖြစ်ခဲ့ပြီး ဘေးမှဖြတ်သွားသော ကရိန်းကားတစ်စီးကိုအကူအညီတောင်းကာ ဆွဲထုတ်ခဲ့ရတယ်လို့သိရပါတယ်။ ထိုကားသမားကတော့ အသက်ဘေးကလွတ်မြောက်ခဲ့ပေမယ့် ဘယ်ဘက်ခြေသလုံးကျိုးကာ ခြေကျင်းဝတ်လည်သွားခဲ့သဖြင့် ပုလဲမြို့သစ်အရန်မီးသတ်တပ်ဖွဲ့မှ အချိန်မီဆေးရုံသို့ပို့ဆောင်ပေးခဲ့တယ်လို့သိရပါတယ်။

source - htin lin aung