ဒီတစ်ပတ်မှာတော့ ပရိသတ်ကြီးအတွက် ကမ္ဘာ့အကြီးဆုံးစာရင်း ဝင်ထားတဲ့ ကျွန်းတစ်ခုအကြောင်းကို ဗဟုသုတရစေရန်အတွက် ဖော်ပြပေးလိုက်တယ်နော်။ ဒီအကြီးမားဆုံးကျွန်းရဲ့ အမည်ကတော့ ဂရင်းလန်း(Green Land) လို့ခေါ်ပါတယ်။ ထိုဂရင်းလန်းကျွန်းဟာ မြောက်အတ္တလန္တိတ်သမုဒ္ဓရာနှင့် အာတိတ်သမုဒ္ဓရာကြားတွင်တည်ရှိပြီး ကျွန်းရဲ့ဧရိယာအများစုဟာ အာတိတ်စက်ဝိုင်းအတွင်းမှာပဲ တည်ရှိပါတယ်။ 

အလွန်အေးသောဒေသဖြစ်ပြီး နွေရာသီ တိုတောင်းကာ တောင်ဖက်ဒေသများတွင်သာ နွေရာသီ၌ အပူချိန် ၉° C ခန့်သာရရှိသည် ။လူဦးရေ - ၅ သောင်း ( ၂၀၁၆ -စာရင်း ) ခန့် သာရှိပြီးအများစုသည် အနောက်တောင်ဖက် ကမ်းခြေဒေသများတွင်နေထိုင်ကြသည်။ ဤဒေသတွင် အအေးပိုင်း တိရိစ္ဆာန်များ ဖြစ်သည့် သမင်များ ၊ မြေခွေးများ ၊ ဝက်ဝံများ ပေါများရှင်သန်ပြီး ၊ ကမ်းခြေတလျှောက်တွင် ဝေလငါး နှင့် ပင်လယ်ဖျံ များ နေထိုင် ကျက်စား လျှက်ရှိသည် ။ ကျွန်းဧရိယာ၏ ၁% သာစိုက်ပျိုးနိင်ပြီးမွေးမြူရေး ၊သတ္တုတူးဖေါ ်ရေး နှင့် ငါးဖမ်းလုပ်ငန်းမှာ ဒေသ၏ အဓိက စီးပွားရေးများဖြစ်သည် ။ ဤ ဒေသတွင်ရေခဲပြင်သွားစွပ်ဖားများကို အမဲလိုက်ရန်နှင့်ကုန်ပစ္စည်းတင်ဆောင်ရန် အသုံးပြုကြသည် ။

ဤ ကျွန်း၏ရာသီဥတုအပြောင်းအလဲသည် ဥရောပဒေသနှင့်မြောက်အမေရိကဒေသ၏ ရာသီဥတုအပေါ်များစွာသက်ရောက်မှု ရှိသည်ဟုဆိုသည် ။ ယခုအခါ ကမ ္ဘာကြီးပူနွေးလာမှုကြောင့် အလာစကာ ၊ ကနေဒါ နှင့် Greenland ဒေ သမှ ရေခဲတုံးများအရည်ပျော်ပြီးကမ္ဘာ့ရေမျက်နှာပြင် အစဉ်မြင့်တက်နေသည်ဟုဆိုသည် ။ယနေ့အချိန်တွင် Green land ကျွန်းသည် ဒိန်းမတ် ကိုယ်ပိုင် အုပ်ချုပ်ခွင့်ရ ဒေသဖြစ်ပြီး မြို့တော် နှင့် အကြီးဆုံးမြို့မှာ Nuuk ဖြစ်သည် 

Source : Pyi Myanmar (Facebook)

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။