လစာ နှစ်ဆ ရနိုင်မယ့် နည်းလမ်း

ဒီလို ပြောလိုက်တဲ့အခါ ဘယ်သူမဆို စိတ်ဝင်စားမယ်လို့ မျှော်လင့်ပါတယ်။ ကုမ္ပဏီ တော်တော်များများမှာ လစာတိုးဖို့ အခြေအနေက အနည်းဆုံး တစ်နှစ် လောက် စောင့်ရပါတယ်။ တစ်ချို့ကုမ္ပဏီတွေဆို ဘယ်တော့ လစာ တိုးမှန်းတောင် မသိဘဲ အလုပ်လုပ်နေကြရတာမျိုးလည်း ရှိပါတယ်။ လူငယ်၊ လူလတ်တွေက ကြိုစားရင် ကြိုးစားသလို ဖြစ်နိုင်တာမို့ အခုဖော်ပြမယ့် နည်းလမ်းကိုသာ ကောင်းစွာ လိုက်နာနိုင်မယ်ဆို အခုလက်ရှိရနေတဲ့ လစာထက် နှစ်ဆ ရနိုင်တယ် ဆိုတာ အသေအချာပါပဲ။

အဲ့ဒီ နည်းလမ်းကတော့ ဘာသာစကား သင်ယူလေ့လာခြင်းပဲ ဖြစ်ပါတယ်။ အထူးသဖြင့် English စာ မဖြစ်မနေ လေ့လာ သင်ယူစေချင်ပါတယ်။ English စာကို ထမင်းစား၊ ရေသောက် အဆင့်လောက် ပြောတတ်ရင်တောင် နေရာတစ်ခုမှာ သူများထက် အရှေ့ကို ပိုရောက်ကြပါတယ်။ ဒီ့ထက် အဆင့်ပိုကောင်းပြီး English စာကို ကျွမ်းကျင်ပိုင်နိုင်စွာ ပြောဆိုတတ်ပြီ ဆိုရင်တော့ ၀င်ငွေက သူများတွေထက် သိသိသာသာ ပိုများမယ် ဆိုတာ လုံးဝ အသေအချာပါပဲ။

မြန်မာစာမှာရှိတဲ့ အသံထွက် အနေအထားကို အနည်းငယ် နှိုင်းယှဉ်ပြချင်ပါတယ်။

- ထမင်းစားဦးမယ် … (သို့သော် ထမင်းစားအုန်းမယ် လို့ အသံထွက်ပါတယ်)

- ဦးလေး … (အုန်းလေး လို့ အသံမထွက်ပဲ ဦးလေးလို့သာ အသံထွက်ပါတယ်)

English စာမှာလည်း အဲ့လိုပါပဲ။ စာလုံးပေါင်း တူပေမယ့် အသံထွက်ပေါ် မူတည်ပြီး အဓိပ္ပါယ်တွေ ကွဲတာကို လေ့လာပါ။ နိုင်ငံခြားသား တစ်ယောက်နဲ့ စကားပြောတဲ့အခါ ဒီလို နားလည်ထားခြင်းက သင့်အတွက် အကျိုးရှိပါတယ်။ English စာမှာ သေတာကို die တစ်လုံးတည်း ပြီးပေမယ့် မြန်မာစာမှာတော့ သေတယ်၊ ကွယ်လွန်တယ်၊ ပျံလွန်တော်မူတယ်၊ စုတေ တယ် … စသည်ဖြင့် အဓိပ္ပါယ် အမျိုးမျိုး ရှိပါတယ်။ တစ်ချို့သော အင်္ဂလိပ်စာလုံးတွေမှာလည်း စကားလုံး တစ်လုံးတည်းကို အဓိပ္ပါယ်တွေ အများကြီး (multiple meaning) ရှိတာကို သတိထားပြီး လေ့လာပါ။ ဒါက သင့်အတွက် English စာ အရေးအသား တိုးတက်ပါလိမ့်မယ်။

ဘယ်လိုနည်းနဲ့ပြဲဖစ်ဖြစ် English စာကို လေ့လာသင်ယူပြီး ကျွမ်းကျင်လာတဲ့အခါ သင့်ရဲ့ လက်ရှိလစာထက် နှစ်ဆရနိုင်ဖို့ လက်တစ်ကမ်းပဲ လိုတယ်ဆိုတာကို ယုံကြည်လိုက်ပါ။

အားလုံးပဲ ၀င်ငွေများ တိုးသထက် တိုးပြီး အစစ အရာရာ အောင်မြင်ကြပါစေရှင်။

Own Creation @ Tina