အောင်သူဟာPolice Teroအသင်းနဲ့ပထမဆုံးပွဲမှာအကောင်းဆုံးစတင်မှုတစ်ခုပြုလုပ်နိုင်ခဲ့ပါတယ်။ဘန်ကောက်FCနဲ့ကစားတဲ့ခြေစမ်းပွဲမှာ
အောင်သူဟာခြေစွမ်းပြကစားနိုင်ခဲ့ပြီးဂိုးနှစ်ဂိုးသွင်းယူ
ပေးခဲ့ပါတယ်။အသင်းနဲ့အလျင်အမြန်အထိုင်ကျပြီးခြေစွမ်း
ဂိုးတွေသွင်းယူပေးဖို့ဆိုတာတကယ်မလွယ်တဲ့ကိစ္စတစ်ခုပါ။
တယ်ရိုအသင်းဟာဒီပွဲကိုရာသီကြိုခြေစမ်းပွဲတစ်ပွဲအနေနဲ့
ကွင်းပတ်ကစားခဲ့တာပါ။ပထမပိုင်းမှာပဲအောင်သူကနှစ်ဂိုး၊
အောင်သူရဲ့တွဲဘက်ပြင်သစ်တိုက်စစ်မှူးအန်ဒရီကတစ်ဂိုး
နဲ့ဘန်ကောက်ကိုဦးဆောင်ထားနိုင်ခဲ့ပါတယ်။
ဒါပေမယ့်ဒုတိယပိုင်းမှာတော့လူငယ်ကစားသမားတွေ
ထည့်သွင်းပြီးကစားကွက်စမ်းသပ်မှုတွေပြုလုပ်ခဲ့တာကြောင့်
ဒုတိယပိုင်းမှာသုံးဂိုးပြန်ထည့်ခံရပြီးပွဲအပြီးမှာသရေကျခဲ့
ပါတယ်။နေရာဒေသအသစ်မှာရုန်းကန်ရမယ်လို့အောင်သူ
ကိုထင်မှတ်ခဲ့ကြပေမယ့်ဒီထင်မြင်ချက်တွေကိုအောင်သူ
သူ့ရဲ့သွင်းဂိုးတွေနဲ့ချေဖျက်ပြခဲ့ပါတယ်။အောင်သူခြေစွမ်း
ပြနိုင်ပေမယ် ့ချင်ရိုင်းအသင်းမှာကစားနေတဲ့ကျော်ကိုကိုကတော့အသားကျဖို့ကြိုးစားနေရဆဲပါ။
အောင်သူဟာထိုင်းဘောလုံးလောကမှာမြန်မာပြည်ရဲ့ပုံရိပ်
တစ်ခုအလျင်အမြန်ဖြစ်လာပါတယ်။ထိုင်းမီဒီယာတွေမှာ
သူ့အကြောင်းတွေဟာပလူပျံနေပြီးတယ်ရိုအသင်းရဲ့Icon
တစ်ယောက်လည်းအချိန်တိုလေးအတွင်းဖြစ်လာခဲ့ပါတယ်။
တယ်ရိုအသင်းရဲ့အောင်သူမားကတ်တင်းတွေကလည်း
ကြောက်ခမန်းလိလိပါပဲ။မနေ့ကဆိုရင်အသင်းပိုင်ကော်ဖီ
ဆိုင်ဖွင့်ပွဲကျင်းပခဲ့ပြီးအဆိုပါပွဲကိုအောင်သူရဲ့ပုံရိပ်
အသုံးပြုပြီးကျင်းပခဲ့ပါတယ်။ဒါ့အပြင်အသင်းရဲ့လူငယ်
အကယ်ဒမီဖွင့်ပွဲကိုလည်းအောင်သူကိုတက်ရောက်ဖွင့်လှစ်
စေခဲ့ပါတယ်။အသင်းရဲ့Iconဖြစ်ပြီးခြေစွမ်းပြဂိုးတွေသွင်းယူ
နိုင်ခဲ့လို့တယ်ရိုပရိသတ်တွေအောင်သူမှအောင်သူ
ဖြစ်နေကြပါပြီ။
Source-Tero
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။