၄ ပွဲဆက်တိုက် သရေကျခဲ့တဲ့ ချဲလ်ဆီး

မနေ့ကယှဉ်ပြိုင်ကစားခဲ့တဲ့ ပရီးမီးယားလိဂ်ပွဲစဉ်မှာ ချဲလ်ဆီးအသင်းနဲ့ လက်စတာအသင်းတို့ဟာ ဂိုးမရှိသရေ ရလဒ်နဲ့ ပြီးဆုံးခဲ့တာလည်းဖြစ်ပါတယ်။ချဲလ်ဆီးအသင်းအတွက် လေးပွဲဆက်တိုက် သရေကျခဲ့တာလည်းဖြစ်ပါတယ်။ချဲလ်ဆီးအသင်းဟာ ရမှတ် ၄၇ မှတ်ရယူထားပြီး အဆင့် ၃ နေရာမှာရှိနေတာလည်းဖြစ်ပါတယ်။လက်စတာအသင်းကတော့ ၃၁ မှတ် ရယူထားကာ အဆင့် ၈ နေရာမှာရှိနေတာလည်းဖြစ်ပါတယ်။

ချဲလ်ဆီးအသင်းရဲ့ ပွဲထွက်လူစာရင်းမှာတော့ မိုရာတာ၊ ဟာဇတ်၊ မော့ဆက်၊ ဘာကာယိုကို၊ ကန်တေ၊ ဖာဘရီဂတ်၊ အလွန်ဆို တို့ကို ထည့်သွင်းအသုံးပြုခဲ့တာလည်းဖြစ်ပါတယ်။လက်စတာအသင်းရဲ့ ပွဲထွက်လူစာရင်းမှာတော့ ဗာဒီ၊ အိုကာဇာကီ၊ အယ်ဘရိုက်တန်၊ ဂျိန်း၊ အမ်ဒီဒီ၊ မာရက်စ် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။နှစ်သင်းလုံးဟာ အပြန်အလှန် တိုက်စစ်ဆင်ကစားနိုင်ခဲ့တာလည်းဖြစ်ပါတယ်။

ချဲလ်ဆီးအသင်းရဲ့ တိုက်စစ်ဟာ ဂိုးပေါက်ပျောက်ဆုံးနေခဲ့တာ သုံးပွဲဆက်တိုက်ရှိနေခဲ့တာလည်းဖြစ်ပါတယ်။လက်စတာအသင်းက ထိုးဖောက်တိုက်စစ်ဆင်မှုတွေက ချဲလ်ဆီးအသင်းထက် ပိုမိုထိရောက်ခဲ့တာတွေ့မြင်ခဲ့ရပါတယ်။၆၈ မိနစ်မှာတော့ လက်စတာနောက်ခံလူ ဘန်ချေဝဲလ် နှစ်ဝါတစ်နီနဲ့ ထုတ်ခံခဲ့ရပေမဲ့ ကျန်ပွဲချိန်မှာ ချဲလ်ဆီးအသင်း အခွင့်ရေးကို အရမယူနိုင်ခဲ့ပါဘူး။ပွဲပြီးဆုံးချိန်မှာတော့ သရေ တစ်မှတ်စီ ခွဲယူခဲ့တာလည်းဖြစ်ပါတယ်။