လက်ရှိရောင်းချနေတဲ့ စမတ်နာရီများထဲမှာ SIM Card ထည့်သွင်း၍ ဖုန်းပြောနိုင်တဲ့ အမျိုးအစားဟာရှားပါးနေပါသေးတယ်။ စမတ်ဖုန်းနဲ့ စမတ်နာရီကိုချိတ်ဆက်ထားမှသာစမတ်နာရီကနေဖုန်းပြောနိုင်ပါတယ်။ Shell အမည်ရကိရိယာကတော့ စမတ်နာရီလိုရောဖုန်းလိုပါ သုံးနိုင်ပါ တယ်။ သူ့မှာ SIM Card ထည့်သွင်းနိုင်တဲ့အတွက် သူ့ကို ဝတ်ဆင်ထားရင် သင်ဖုန်းယူလာဖို့ မလိုတော့ပါဘူး။ သူဟာစမတ်နာရီပုံသဏ္ဍာန် ဖြစ်ပါတယ်။ 

သူ့ကို လက်ကောက်ဝတ်ကနေ ချွတ်လိုက်ပြီးအောက်ဘက်မှ လက်တံ နှစ်ခုကိုထုတ်လိုက်ရင် စပီကာနဲ့ မိုက်ကရိုဖုန်းများကိုအသုံးပြု၍ ဖုန်းပြောနိုင်ပါတယ်။ စွမ်းရည်မြင့် အန်တင်နာများတပ်ဆင်ထားတဲ့အတွက် 4Gဆက်သွယ်မှုကိုအသုံးပြုနိုင် ပါတယ်။ သူ့ရဲ့ အိုင်ဒီယာဟာ ချပ်ဝတ်တန်ဆာ ကွန်ပျူတာနဲ့ ဖုန်းကို ပေါင်းစပ်ထားတဲ့အတွက် ထူးခြားပါတယ်။

၃၆၀ ဒီဂရီ မြင်ကွင်းကျယ် ကင်မရာတစ်လုံးကိုလက်တံတစ်ခုမှာ တပ်ဆင် ထားပါတယ်။ အားသွင်းဖို့အတွက် လက်တံများကိုအသုံးပြုရမှာ ဖြစ်ပါ တယ်။ သာမာန်အချိန်မှာစမတ်နာရီလို ဝတ်ဆင်ထားနိုင်ပြီးဖုန်းလာရင် လွယ်ကူလျင်မြန်စွာ ချွတ်၍ ဖုန်းပြောလိုက်ရုံပါပဲ။ Indiegogo ဝက်ဆိုက်မှာ သူ့ကိုထုတ်လုပ်ရောင်းချဖို့ ရန်ပုံငွေကောက်ခံမှာ ဖြစ်ပါတယ်။ သူဟာစမတ်ဖုန်းများရဲ့ စွမ်းရည်ကိုမယှဉ်နိုင်ပေမယ့် ဖုန်းမကိုင် ချင်သူများအတွက် သင့်တော်ပါတယ်။ 

Source : Mobileguide 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။