၀ယ်ပေးစရာမလိုဘဲ အရာရာပြည့်စုံတဲ့ ဦးနိုင်လူသမီးလေးရဲ့ ထူးခြားတဲ့ကံ

လူကြမ်းသရုပ်ဆောင် ဦးနိုင်လူရဲ့ သမီးအငယ်ဆုံးလေး ခေတ်ဆည်းဆာကတော့ ပရိတ်သတ်အချစ်တော်ကလေးလေးတစ်ယောက်ပါ ။

သမီးလေးကို ချစ်လို့ ၀ုိင်းဂရုစိုက်ကြတဲ့ သူတွေအများကြီးပါပဲ ။ သမီးလေးက ထူးခြားချက်တွေနဲ့ မွေးဖွားလာတဲ့ ကလေးလေးတစ်ယောက်ဖြစ်တဲ့အကြောင်း ဖခင်ဖြစ်တဲ့ ဦးနိုင်လူက Popular Journal ရဲ့ အင်တာဗျူးမှာအောက်ပါအတိုင်းပြောပြထားပါတယ် ။ 

" ဒီကလေးလေးက တကယ်ထူးခြားတယ် ။ အမျိုးသမီးက အသက် ၄၀ ကျော်ပြီ ။ သူက သမီးလေး လိုချင်တယ် ။ အမျိုးသမီးက Cosmetic လုပ်ငန်းလုပ်တော့ နေရာစုံသွားရတယ် ။ စစ်တွေမှာ ယောမယ်တော်ဆိုတာ နာမည်ကြီးတယ် ။ အဲဒီမှာ သွားဆုတောင်းတာနဲ့ သမီးလေး ရလာတယ်လို့တော့ ထင်တာပေါ့ ။ နောက်ဦးနိုင်လူကို အိပ်မက်ပေးတယ် ။ ဒါပေမယ့် သေချာတာက သူကိုးတန်း ဆယ်တန်းလောက်အရွယ်ရောက်ရင် ဦးနိုင်လူ ကျန်းမာရေးမကောင်းဘူးဆိုတာ ကိုယ့်ကိုယ်ကို ကြိုသိတယ် ။ အိပ်မက်ထဲမှာလည်း ကျောင်းဝတ်စုံနဲ့ ကလေးမလေးက ဦးနိုင်လူကို အိမ်သာမသွားနိုင်လို့ တွဲပို့တာ " ဖေဖေ ဖြည်းဖြည်းထိုင်တဲ့ " သမီးက ဘယ်သူလဲ လို့ ဦးနိုင်လူမေးတော့ သမီးကဖေ့ဖေ့ သမီးလေ တဲ့ ။ အဲဒါနဲ့ ဦးနို်င်လူက " သမီးက အဖေ့သမီးလား " ဆိုတော့ " ဟုတ်တယ် " တဲ့ ။ အဲဒီလို အိပ်မက်မက်ပြီးမကြာဘူး အမျိုးသမီးက ကိုယ်ဝန်ရှိတယ်ဆိုတာ သိရတယ် ။ 

ပြီးတော့ ကလေးလေးက ရှစ်လနဲ့ မွေးတာ ဆေးပညာအရကြည့်ရင် ရှစ်လနဲ့ မွေးရင် အသက်ရှင်ခဲတယ် ။ နောက်ပြီး သူက အနှစ် ရ၀ လောက်မှတစ်ကြိမ်ဖြစ်တဲ့ စူပါမွန်းနေ့မှာ မွေးတာ ။ ပြီးတော့ ဒီကလေးလေးက အကျီင်္ အဝတ်အစားတွေက ၀ယ်ပေးရတယ်မရှိဘူး ။ သူ့ကိုရာသက်ပန် တာဝန်ယူပြီး အမေရိကမှာကျောင်းထားပေးဖို့ ဆက်သွယ်တာတွေလဲရှိတယ် ။ သူ့ကို ကျောက်စိမ်းပို့ပေးတာတွေ မူဆယ်ဘက်က ဆိုင်ကယ်ပို့ပေးတာတွေ အွန်လိုင်းပေါ်က တွန်းလှည်းဝယ်ပေးတာတွေ ရှိတယ် ။ နားဖောက်ရင် စိန်နားကပ်ပို့ပေးမယ့်သူတွေရှိတယ် ။ သူ့ရဲ့ ကံ ၊ သူ့ရဲ့ စန်းပေါ့နော် ။ ဒီသမီးလေးကြောင့် ဦးနိုင်လူက ပိုနာမည်ကြီးလာတာပေါ့ ။ " ဆိုပြီး ပြောပြခဲ့တာပါ ။

လူကြမ်းကမွေးတဲ့ကလေးလေးကို ဂရုစိုက်မဲ့သူမရှိဘူးဆိုတဲ့ Facebook ကပို့စ်တစ်ခုကနေ ချစ်ဖို့ကောင်းမှန်း လူတွေသတိထားမိသွားကြတဲ့ ထူးခြားမှုတွေနဲ့ မွေးဖွားသူ သမီးလေး ခေတ်ဆည်းဆာကတော့ ခုချိန်မှာ ပရိတ်သတ်တွေ အသည်းကျော်လေးဖြစ်လို့နေပြီပဲဖြစ်ပါတယ် ။ 

သတင်းအရင်းမြစ် Popular Journal