မြန်မာနေရှင်နယ်လိဂ်ပြိုင်ပွဲကြီးကိုကျင်းပလာတာပွဲစဉ်နှစ်
အထိရောက်လာခဲ့ပါပြီ။ဒီနှစ်မြန်မာနေရှင်နယ်လိဂ်ဟာ
မနှစ်ကထက်စာရင်ပိုကောင်းလာတယ်လို့မြန်မာ့ဘောလုံး
ချစ်ပရိသတ်တွေကသုံးသပ်နေကြပါတယ်။ဒီနှစ်
နေရှင်နယ်လိဂ်နဲ့အတူတောက်ပလာခဲ့တဲ့ကစားသမားတစ်
ယောက်ကတော့ရတနာပုံအသင်းရဲ့ကွင်းလယ်လူမြတ်ကောင်းခန့်ပါ။မြတ်ကောင်းခန့်ဟာမြန်မာယူ-21အသင်းရဲ့အဓိက
ကွင်းလယ်လူတစ်ဦးဖြစ်ပြီးဒီနှစ်ဘောလုံးရာသီမှရတနာပုံအသင်းဆီပြောင်းရွှေ ့လာခဲ့သူပါ။
ဒီနှစ်ရတနာပုံအသင်းကစားခဲ့တဲ့ဧရာဝတီယူနိုက်တက်၊
ရခိုင်ယူနိုက်တက်အသင်းတို့ရဲ့ပွဲစဉ်တွေမှာမြတ်ကောင်းခန့်
ပါဝင်ကစားခဲ့ပြီးနှစ်ပွဲစလုံးဂိုးသွင်းယူထားခဲ့ပါတယ်။လက်ရှိ
ရတနာပုံအသင်းရဲ့ကွင်းလယ်မှာရဲကိုဦး၊မျိုးကိုထွန်း၊
လှိုင်းဘိုဘို၊ရဲရင့်ထွန်းစတဲ့စီနီယာကစားသမားတွေနဲ့
တွဲဖက်ပြီးကစားနေရတဲ့အပေါ်သူ့အနေနဲ့ကျေနပ်မိတယ်လို့
ပြောပါတယ်။"ကိုယ့်ထက်စီနီယာကျတဲ့ကစား
သမားတွေနဲ့ကစားခွင့်ရပြီးခြေစွမ်းလည်းပြနိုင်လို့ဂုဏ်ယူ
ပါတယ်။အသင်းနဲ့မြန်မြန်ဆန်ဆန်ပဲအထိုင်ကျသွားပြီလို့
ထင်ပါတယ်။ဆက်ပြီးတော့လည်းကြိုးစားသွားမှာပါ"
လို့မြတ်ကောင်းခန့်ကပြောပါတယ်။
ကွင်းလယ်ကစားသမားကောင်းတွေပေါ်ထွက်မှုနည်းပါးလှတဲ့
မြန်မာ့လက်ရွေးစင်အသင်းအတွက်တော့မြတ်ကောင်းခန့်ဟာ
အားတစ်ခုဖြစ်လာမှာသေချာပါတယ်။မြတ်ကောင်းခန့်ဟာ
မြန်မာ့လက်ရွေးစင်အသင်းသက်တမ်းအလိုက်ပြိုင်ပွဲတွေမှာ
တောက်လျှောက်ပါဝင်ပြီးခြေစွမ်းပြခဲ့သူဖြစ်ပါတယ်။လက်ရှိမှာလည်းဖိလစ်ပိုင်ဆီးဂိမ်းပြိုင်ပွဲဝင်မယ့်မြန်မာယူ-21
အသင်းမှာလည်းပါဝင်နေသူပါ။မြတ်ကောင်းခန့်အနေနဲ့
ရတနာပုံအသင်းရဲ့နောက်ထပ်ပွဲတွေဖြစ်တဲ့GFA၊ရှမ်းတို့နဲ့
အဝေးကွင်းပွဲစဉ်တွေမှာသူရဲ့တောက်ပတဲ့ခြေစွမ်းတွေကိုဆက်လက်ထိန်းသိမ်းသွားနိုင်မလားဆိုတာတော့....
Source-MNL
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။