အနုပညာလုပ်ငန်းတွေ ရပ်နားလိုက်ပြီဖြစ်တဲ့ သဉ္ဇာနွယ်ဝင်း

နာမည်ကျော်အနုပညာရှင်တစ်ဦးဖြစ်တဲ့ သဉ္ဇာနွယ်ဝင်းတစ်ယောက် သူမရဲ့မိသားစုကို အချိန်အပြည့်အဝပေးတော့မယ်လို့ ဆုံးဖြတ်လိုက်ပြီးနောက်ပိုင်းမှာ ဝါသနာပါရာအလုပ် တစ်ခုဖြစ်တဲ့ အနုပညာအလုပ်ကိုစွန့်လွှတ်မယ်လို့ ဆုံးဖြတ်လိုက်တာပဲဖြစ်ပါတယ်။ ချစ်စရာ ကောင်းတဲ့ မင်းသမီးလေးရဲ့ သရုပ်ဆောင်မှုတွေကို နောက်ထပ်မမြင်တွေ့ရတော့တာကြောင့် သူမရဲ့ပရိတ်သတ်တွေကတော့ စိတ်မကောင်းဖြစ်နေကြပါတယ်။ သို့ပေမယ့် သူမရဲ့ရုပ်ရှင် ဇာတ်ကား သုံးကားလောက်တော့ ရုံတင်ပြသဖို့ရှိနေသေးတယ်လို့ဆိုပါတယ်။

အိမ်ထောင်ပြုပြီးတစ်လလောက်အကြာမှာပဲ ကလေးတန်းရသွားတာကြောင့် အနုပညာ အလုပ်ကို ရပ်နားခဲ့ရပြီး ကလေးမွေးပြီးတဲ့အချိန်ထိ ကလေးကိုဂရုတစိုက်နေလာခဲ့ရတယ်လု့ိ ဆိုပါတယ်။ ကလေးမွေးစဉ်ကာလမှာလည်း ပုတ်ခတ်ပြောဆိုမှုတွေရှိတာကြောင့် သူမ အနေနဲ့ စိတ်မကောင်းဖြစ်ရ တယ်လို့ဆိုပါတယ်။ သားဖြစ်သူဟာ သူမရဲ့ခင်ပွန်းနဲ့ ရုပ်ချင်းဆင် တူတယ်လို့လည်းဆိုပါတယ်။ အနုပညာလုပ်ငန်းဆိုတာ အမြဲတမ်းပရိတ်သတ်တွေနဲ့ ထိတွေ့ နေမှအဆင်ပြေတာဖြစ်ပြီး သူမရဲ့မိသားစုကို အချိန်မပေးနိုင်မှာ ဆိုးတာကြောင့် ရပ်နား လိုက်တယ်လို့ဆိုပါတယ်။

ပြီးခဲ့တဲ့ရက်ပိုင်းက သူမတို့မင်္ဂလာနှစ်ပတ်လည်နေ့ရက်လေးမှာ သူမရဲ့ခင်ပွန်းဖြစ်သူက ပန်းစည်းလေးလက်ဆောင်ပေးခဲ့တာကြောင့် ပျော်ရွှင်နေတဲ့ သူမရဲ့ချစ်စဖွယ်ပုံရိပ်လေးကို တင်ခဲ့ပါသေးတယ်။ ပျော်ရွှင်စရာကောင်းတဲ့ မိသားစုလေးကိုတည်ဆောက်ထားပြီး ချစ်စဖွယ်သားငယ်လေးတစ်ဦးကိုလည်း ပိုင်ဆိုင်ထားတာကြောင့် သူမက မိသားစုအတွက် သူမရဲ့ဘဝတစ်သက်တာအချိန်တွေအားလုံးကို ပေးဆပ်လိုက်တာဖြစ်ပါတယ်။ ကြည်နူးစရာ ကောင်းတဲ့ မိခင်တစ်ယောက်ရဲ့မေတ္တာကို ပရိတ်သတ်ကြီးသိအောင် ပြန်လည်ဝေမျှပေး လိုက်ပါတယ်နော်။

Source - Myanmr Celebrity