တောင်ကိုရီးယားနိုင်ငံ Samsung ကုမ္ပဏီရဲ့ အမွေခံသူဌေးဟာ ပြန်လည်လွတ်မြောက်လာပြီဖြစ်ပါတယ်။

ဖေဖော်ဝါရီ ၅ ရက် တောင်ကိုရီးယား အယူခံတရားရုံးက ဆုံးဖြတ်ချက်ချမှတ်ရာတွင် ဘီလျံနာသူဌေးကြီး Lee Jae-yong အပေါ် စွဲဆိုထားခဲ့တဲ့ လာဘ်ထိုးမှု စွဲချက်အများစုကို ပယ်ချသွားခဲ့ပြီး ၎င်း၏ ထောင်ဒဏ်ပြစ်ဒဏ်ကိုလည်း ဆိုင်းငံ့ပြစ်ဒဏ်အဖြစ် လျှော့ချပေးသွားခဲ့တာကြောင့် Lee ကို အကျဉ်းထောင်ကနေ အားချင်း ပြန်လည်လွတ်မြောက်သွားစေခဲ့ပါတယ်။

ယခင် သမ္မတဟောင်း Park Geun-hye အပေါ် လာဘ်ထိုးမှုနဲ့ Lee ကို ထောင်ဒဏ် ငါးနှစ် ချမှတ်ထားခဲ့ပြီး ယခုအခါ တရားရုံးက ယင်းကို ဆိုင်းငံ့လိုက်တာဖြစ်ပါတယ်။

ယင်းဆုံးဖြတ်ချက်ကြောင့် အဆိုပါအမှုမှာ Lee အနေနဲ့ နိုင်ငံရဲ့ အမြင့်ဆုံး တရားလွှတ်တော်ချုပ်ထံ နောက်တစ်ကြိမ် အယူခံတင်သွင်းခွင့် ရသွားဖွယ်လည်း ရှိနေပြီ ဖြစ်ပါတယ်။

Samsung လုပ်ငန်းစုကြီးကို အဓိက ဆက်ခံလုပ်ကိုင်မယ့်သူအဖြစ် ရှိနေခဲ့တဲ့ အသက် ၄၉ နှစ်အရွယ် ဘီလျံနာသူဌေးကြီး Lee ဟာ ပြီးခဲ့တဲ့ သြဂုတ်လက ခြစားမှု၊ လာဘ်ထိုးမှုတို့နဲ့ စွဲချက်တင်ခံခဲ့ရပြီး ထောင်ငါးနှစ် ချမှတ်ခံခဲ့ရပါတယ်။ 

ဒါပေမယ့်လည်း ဖေဖော်ဝါရီ ၅ ရက် တရားရုံးဆုံးဖြတ်ချက်မှာတော့ ၎င်းရဲ့ ပြစ်ဒဏ်ကို နှစ် နှစ်ခွဲအထိ ပြန်လျှော့ချပေးခဲ့သလို ယင်းပြစ်ဒဏ်ကို ဆိုင်းငံ့ထားဖို့ကိုလည်း ဆုံးဖြတ်သွားခဲ့တာဖြစ်ပါတယ်။

source - mizzima news

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။