ကိုယ်ဝန်ဆောင်အမျိုးသမီး ၁ ဦး ကြိုးဆွဲချသေဆုံး

ရန်ကုန် ဒီဇင်ဘာ ၉

တိုက်ကြီးမြို့နယ် ဥက္ကံမြို့အရှေ့ဘက် ရေတွင်းကုန်းကျေးရွာမှာ ဒီဇင်ဘာ ၈ ရက်နေ့ မနက် ၅ နာရီအချိန်က အသက် ၂၃ နှစ်အရွယ် ကိုယ်ဝန်ဆောင်အမျိုးသမီးတဦး မိမိကိုယ်ကိုယ်ကိုယ် ကြိုးဆွဲချ သေဆုံးခဲ့တယ်လို့ ဥက္ကံနယ်မြေရဲစခန်းက ပြောပါတယ်။

ဥက္ကံမြို့အရှေ့ဘက် ရေတွင်းကုန်းကျေးရွာ မြန်မာစုနေ ကိုတူးတူးရဲ့ဇနီးဖြစ်သူ မသူဇာလင်း (၂၃ နှစ်) (ဘ)ဦးအေးလွင်ဟာ ခြံအနောက်ဘက်ရှိ မန်ကျီးပင်မှာ ကြိုးဆွဲချသေဆုံးနေကြောင်းကို မနက် ၅ အချိန်မှာ အဒေါ်ဖြစ်သူက တွေ့ရှိတဲ့အတွက် ပတ်ဝန်းကျင်ကို အကူအညီတောင်းခဲ့ပါတယ်။

“လင်မယားချင်းစကားများရန်ဖြစ်တာလည်း မရှိဘဲ ဘာကြောင့် အခုလို သေဆုံးတာကို မသိကြောင်းနဲ့ မသူဇာလင်းမှာ ကိုယ်ဝန် ၂ လရှိပြီဖြစ်ကြောင်း၊ အိမ်ထောင်သက်ကလည်း ၂ နှစ်လောက်ရှိပြီး သေဆုံးသူဟာ ဒီဇာတိမဟုတ်ဘဲ တခြားမြို့မှ လာရောက်အိမ်ထောင်ကျတာ ဖြစ်တယ်” လို့ ရေတွင်းကုန်းကျေးရွာအုပ်ချူပ်ရေးမှူး ဦးဇော်မျိုးဦးက ဒီဗွီဘီကိုပြောပါတယ်။

သေဆုံးမှုနဲ့ ပတ်သက်ပြီး ဥက္ကံနယ်မြေရဲစခန်းမှ သေမှုသေခင်းအမှတ်စဉ် ၁၁/၂၀၁၆ နဲ့ ဓမ္မတာ အတိုင်း သေဆုံးခြင်းဟုတ်မဟုတ်စစ်ဆေးအမှုဖွင့်ဆောင်ရွက်လျှက်ရှိကြောင်း ဥက္ကံနယ်မြေရဲစခန်းက တာဝန်ရှိသူတဦးက ပြောပါတယ်။