အတိတ်ကံဆိုတာက ရှောင်လွဲလို့မရတဲ့အရာဖြစ်တဲ့အတွက် ထိပ်တိုက်ရင်ဆိုင်ရတဲ့အခါမှာ မရှုမလှခံစားရတဲ့လူတွေများစွာရှိကြပါတယ်။ ကိုယ်ပြုသည့်ကံ ကိုယ့်ထန်ပြန်လာတယ်ဆိုတဲ့စကားရှိပေမယ့် အခုဖြစ်ပေါ်ခဲ့တဲ့ ဖြစ်ရပ်လေးကတော့ တကယ်ကြေကွဲစရာကောင်းလှပါတယ်။ သားသမီးတွေကြောင့်ပဲလား ဆွေမျိုးသားချင်းတွေကြောင့်ပဲလား တော့ မသိရပေမယ့် လမ်းဘေးတစ်နေရာလေးမှာ ချမ်းအေးပင်ပန်းစွာနဲ့ စွန့်ပစ်ခံထားရတဲ့ အဘိုးတစ်ယောက်ရဲ့ဘဝကတွေးလေတွေးလေမျက်ရည်စတွေက ထိန်းမရနိုင်လောက်အောင် ရင်မှာစို့နစ်စရာကောင်းလှပါတယ်။
အသက်မသေဆုံးသေပေမယ့် သေဆုံးတဲ့လူတွေတောင် မခံစားရတဲ့ဝေဒနာဆိုးတွေက စွဲကပ်နေတဲ့အဘိုးကိုတော့ အိမ်ကြိုအိမ်ကြားမြောင်းဘေးနားကတွေ့ရှိခဲ့တာလို့သိရှိရပါတယ်။ပြင်းလှတဲ့ ဝေဒနာတွေခံစားနေရတဲ့အတွက် အနားကလူတွေဝိုင်းဝန်းကြည့်ရှုပေးခဲ့ပေမယ့် အဘိုးရဲ့ဝေဒနာကို အန်မတုနိုင်ခဲ့ပါဘူး။ တင်ပါးကအနာက အရိုးပေါ်အောင်ပုတ်နေခဲ့ပြီး ခြေထောက်တစ်ချောင်းလုံးပုတ်သလောက်ဖြစ်နေရှာတဲ့ အဘိုးရဲ့ဝေဒနာက မြင်ရသူတွေကိုတောင် ထိတ်လန့်ခဲ့ကြတယ်လို့လဲသိရပါတယ်။
အနာတွေထဲကလောက်တွေပါဖောက်ထွက်နေပြီး တချိန်လုံးအော်နေရတဲ့အဘိုးကိုယ်ကထွက်လာတဲ့ အနံ့တွေဟာဆိုရင်လဲ မခံစားနိုင်အောင်ပြင်းထန်လှတယ်လို့သိရပါတယ်။ ဘိုးဘွားရိပ်သာရောက်ရောက်ချင်း ဆေးရုံပို့ခဲ့ပေမယ့် ဆေးရုံကလူတွေကတောင်အနံ့မခံနိုင်လို့ လူမရှိတဲ့ထောင့်မှာ ထားပေးခဲ့ရတယ်လို့သိရပါတယ်။သို့ပေမယ့် စာနာစိတ်ပြင်းလှတဲ့ပရဟိတလူငယ်တွေကတော့ အဘိုးအနားမှာ အနီးကပ်ပြုစုစောင့်ရှောက်ပေးနေတယ်လို့လဲသိရပါတယ်။
source -
ခိုလှုံရာပရဟိတအသင်း
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
