ပရိတ်သတ်ကို ရင်တုန်သွားစေတဲ့ ပန်းရောင်ခြယ်လက်ကို ကိုင်ထားတဲ့သူ

အဆိုတော် ဂရေဟမ်ရဲ့ သမီးချောလေးဖြစ်တဲ့ ပန်းရောင်ခြယ်ကတော့ သီချင်းဆိုလည်းကောင်းသလို ငယ်ရွယ်နုနယ်ပြီး ချစ်ဖို့လဲ အလွန်ကောင်းတာကြောင့် ပရိတ်သတ်တွေ အားပေးမှု အများဆုံးခံရတဲ့ ဆယ်ကျော်သက်အနုပညာရှင်လေးဖြစ်နေတာပါ ။ ဘယ်လောက်ထိတောင် အားပေးကြသလဲဆိုရင် ဦးဂရေဟမ် ကိုတောင် ယောက္ခမကြီးလို့ အမည်တွင်တဲ့ထိပါပဲ ။ ပရိတ်သတ်တွေရဲ့ အသည်းကျော် ဆယ်ကျော်သက်မင်းသမီးလေးတစ်ယောက်ဖြစ်တဲ့ ယွန်းဝတီလွင်မိုး အိမ်ထောင်ပြုသွားပြီးတဲ့နောက်မှာတော့ သူမလေးရဲ့ အချစ်ရေးကိုလည်း လူတွေ စိတ်ဝင်စားလာကြပါတယ် ။ 

သူမလေးကတော့ အင်တာဗျူးတွေမှာ ချစ်သူတစ်ခါမှမထားဖူးဘူးလို့ ဆိုခဲ့ဖူးသူလေးပါ ။ ခု လတ်တလောမှာ သူမရဲ့ လူမှုကွန်ယက်က ပုံလေးတစ်ပုံကြောင့် ပရိတ်သတ်တွေကြားလှုပ်လှုပ်ရှားရှား ဖြစ်သွားခဲ့ပါတယ် ။ အကြောင်းကတော့ ချစ်သူစုံတွဲတွေ ရိုက်လေ့ရှိတဲ့ Follow me ဆိုတဲ့ တစ်စုံတစ်ယောက်ရဲ့ လက်ကိုဆွဲပြီး ရိုက်ထားတဲ့ ပုံလေးကို သူမရဲ့ လူမှုကွန်ယက်မှာတင်လိုက်လို့ပါပဲ ။ 

အဲဒီပုံလေးကို မြင်လိုက်တဲ့ ပုရိသပရိတ်သတ်တွေကတော့ ပန်းရောင်ခြယ်လေးလက်ကိုဆွဲထားတာ ဘယ်သူမှန်းမသိပေမယ့် ကြေကွဲရတော့မှာလားလို့ ၀ုိင်းပြီးထင်မြင်ချက်တွေ ပေးနေကြပါတယ် ။ ဒီပုံလေးဟာ တင်လိုက်ချိန် ခဏလေးအတွင်းမှာပဲ လူစိတ်ဝင်စားမှု များပြားသွားပြီး Share ကြတဲ့ လူအရေအတွက်ကလည်း ထောင် ဂဏန်းလောက်ရှိနေပြီပဲဖြစ်ပါတယ် ။ ခုချိန်မှာတော့ ဒီပုံလေးနဲ့ ပါတ်သတ်လို့ အခြား ဘာမှဖြေရှင်းချက်မထွက်လာသေးပေမယ့် မကြာခင်မှာပဲ တစ်ခုခုဖြေရှင်းပေးလိမ့်မယ်လို့ မှန်းဆရပါတယ် ။ ကြော်ငြာပဲ ဖြစ်ပါစေလို့ ဆုတောင်းနေပြီ မဟုတ်လား ပုရိသပရိတ်သတ်တို့ရေ ... 

သတင်းအရင်းမြစ် Pan Yaung Chel