နိုင်ဂျီးရီးယားမှာ ဘတ်စ်ကား နှင့် ကုန်တင်ယာဉ်တိုက်မိခဲ့တာကြောင့် ကျောင်းသားတွေသေဆုံးခဲ့ရ

နိုင်ဂျီးရီးယားနိုင်ငံ မြောက်ပိုင်း Bauchi-Kano လမ်းမတွင် ဘတ်စ်ကားတစ်စီး နှင့် ကုန်တင်ကားတစ်စီး ခေါင်းချင်းဆိုင်တိုက်မိမှုဖြစ်ပွားခဲ့ပါတယ်။ထိုဖြစ်ရပ်ကြောင့် ဘတ်စ်ကားပေါ်မှာလိုက်ပါလာတဲ့ ကျောင်းသား ၂၂ဦး သေဆုံးခဲ့ပါတယ်။ဒါ့အပြင် ကားဒရိုင်ဘာ လည်းသေဆုံးခဲ့ကြောင်း အာဏာပိုင်များက ဖေဖော်ဝါရီ ၁၃ ရက်နေ့မှာထုတ်ပြန်ခဲ့ပါတယ်။

ကာနိုပြည်နယ် ဖယ်ဒရယ်လမ်းအန္တရာယ်ကင်းရှင်းရေး တပ်ဖွဲ့၏ ပြောရေးဆိုခွင့်ရှိသူ Kabir Ibrahim-Daura က သေဆုံးသွားတဲ့ ကျောင်းသား ၂၂ဦးအနက် ၁၂ဦးမှာ ယောကျာ်းလေးများဖြစ်ပြီး ၁၀ဦးမှာ မိန်းကလေးများဖြစ်တယ်လို့ ပြောကြားခဲ့ပါတယ်။ဆက်လက်ပြီး ၎င်းက ယာဉ်တိုက်မှုကြောင့် အခြားသုံးဦးလည်း ဒဏ်ရာအပြင်းအထန်ရရှိခဲ့တယ်လို့ ပြောကြားခဲ့ပါတယ်။

နိုင်ဂျီးရီးယားနိုင်ငံဟာ ယာဉ်မတော်တဆမှု ကြောင့် လူသေဆုံးမှုအများဆုံး နိုင်ငံများအနက် တစ်ခုအပါအဝင်ဖြစ်ပါတယ်။ယာဉ်မဆင်မခြင်မောင်းနှင်ခြင်း၊ လမ်းပိုင်းဆိုင်ရာများ ပျက်စီးယိုယွင်းနေခြင်း နှင့် အများပြည်သူပို့ဆောင်ရေး ယာဉ်များ အိုဟောင်းနေခြင်းတို့ကြောင့် ယာဉ်မတော်တဆမှုများ အဓိက ဖြစ်ပွားနေရခြင်းလည်းဖြစ်ပါတယ်။

source -  china xinhua news