ချစ်သူများနေ့လေးကို ပျော်ပျော်ကြီးဖြတ်သန်းဖြစ်ခဲ့လား ပရိသတ်ကြီးေ
မြန်မာပြည်ရဲ့ ချစ်စရာအကောင်းဆုံး လိင်တူစုံတွဲလေးဖြစ်တဲ့ မိတ်ကပ်မေဦးနဲ့ဟန်လင်း တို့စုံတွဲကတော့ ချစ်သူများနေ့ကို ကြည်ကြည်နူးနူးလေး ကြိူဆိုခဲ့ပါတယ်
နာမည်ကြီးမိတ်ကပ်ပညာရှင် မေဦးက ချစ်သူ ဟန်လင်းကို နှင်းဆီပန်းလှလှလေးတွေနဲ့ခင်းကျင်းပြင်ဆင်ပြီး ရိုမက်တစ်ဆန်ဆန် Surprise လုပ်ခဲ့တဲ့သတင်းကတော့ မြင်သူတိုင်း သဘောကျနေရပါတယ်
မေဦးတို့စဲုတွဲလေးဟာ မကြာသေးမီက 8Day Magazine Cover အတွက် ဓာတ်ပုံရိုက်ကူးပေးခဲ့တယ်လို့ သိရပါတယ်
တစ်ယောက်တစ်မျိူးစီနဲ့ ဖက်ရှင်ကျနေတဲ့ သူတို့အတွဲကတော့ ခေတ်လူငယ်စုံတွဲပီပီ အမြဲတမ်းလန်းဆန်းတတ်ကြွနေတာကိုတွေ့ရမှာပါ
မနေ့က မေဦးရဲ့ Surprise လေးကြောင့် ဟန်လင်းတစ်ယောက် ဘယ်လောက်တောင်ပျော်နေလဲဆိုတာ သူ့ရဲ့ ဖေ့ဘုတ်အကောင့်မှာ မျှဝေထားတာတွေ့ရပါတယ်။ သူတို့နှစ်ဦးရဲ့ မြင်ကွင်းလေးကတော့ မိန်းကလေးပရိသတ်တွေနဲ့ သာမန်ချစ်သူစုံတွဲတွေကိုတောင် အားကျသွားစေတဲ့အထိ လူပြောများနေပါတယ်။
LGBT ဖြစ်ပေမယ့် တစ်ယောက်နဲ့ တစ်ယောက် အရမ်းချစ်ကြတဲ့ စုံတွဲလေးမို့ သူတို့ကို ချစ်ခင်အားပေးနေတဲ့သူတွေရှိသလို ဝေဖန်သူအချို့လည်း ရှိနေတာပါ။
သူတို့ချစ်သူနှစ်ဦးကတော့ ဘယ်လိုအခက်အခဲအတားအဆီးတွေပဲရှိရှိ နှစ်ယောက်အတူတူ တစ်ဘဝလုံးလက်တွဲသွားမယ်လို့ ဆိုပါတယ်။သူတို့နှစ်ဦးဟာ ခရီးတွေအတူတူထွက်လေ့ရှိပြီး ဒီနှစ်ချစ်သူများနေ့မှာလည်း ခရီးထွက်ဖို့ လေယာဉ်လက်မှတ်လေးတစ်စုံကိုပါ လက်ဆောင်ထည့်ပေးထားတာကိုတွေ့ရပါတယ်။
Source- 8Day
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
