ဒီဇိုင်းအလှဆုံးဆုရခဲ့တဲ့ Meizu Pro 7

ဂျာမနီမှာကျင်းပခဲ့တဲ့ IF Design Award ပွဲမှာMeizu Pro 7 ဟာ Oscar in Design ဆုကိုချီးမြှင့်ခြင်းခံခဲ့ရပါတယ်။ မီဇူးက နိုင်ငံပေါင်း ၅၄ ခုမှ ပြိုင်ပွဲဝင် စမတ်ဖုန်းပေါင်း ၆၄၀၀ ကျော်အနက်ကနေအခုလိုရွေးချယ်ခံရတာလို့ ပြောပါတယ်။Meizu က ထူးခြားဆန်းသစ်တဲ့ စမတ်ဖုန်းအသစ် နှစ်လုံးကိုယခင်နှစ် ဇူလိုင်လမှာမိတ်ဆက် ခဲ့ပါတယ်။ အဲဒီစမတ်ဖုန်းများရဲ့ အရှေ့နဲ့ အနောက် ဘက်မှာ Display တစ်ခုစီတပ်ဆင်ထားပါတယ်။ အနောက်ဘက် ကင်မရာ များရဲ့ အောက်ဘက်မှ အရွယ်သေး Display ကနေNotification များကို ကြည့်ခြင်း၊ Music Player ကိုထိန်းချုပ်ခြင်း၊ အနောက် ကင်မရာဖြင့် Selfieများရိုက်ခြင်းများအတွက် အသုံးပြုနိုင်ပါတယ်။ 

Meizu Pro 7 မှာ ၅.၂ လက်မ Super AMOLED Full HD Display , Helio P25 Chipset, 4GB RAM, 64GB Storage , 3000mAh Battery များတပ်ဆင်ထားပါတယ်။ Pro 7 Plus မှာ ၅.၇ လက်မ QHD Display , Helio X30 Deca-Core Chipset , 6GB RAM, 128GB Storageများထည့်သွင်းထားပါတယ်။ စမတ်ဖုန်းနှစ်လုံးစလုံးရဲ့ အနောက်ဘက်မှာ 12MP Camera နှစ်လုံး တပ်ဆင်ထားပြီးတစ်လုံးကအရောင်၊နောက်တစ်လုံးကအဖြူအမည်းရုပ်ပုံများကိုဖမ်းယူပေးနိုင်ပါတယ်။ 

ကင်မရာ နှစ်လုံးပေါင်းစပ်၍ အလင်းရောင် နည်းပါးတဲ့ အချိန်များမှာအရည်အသွေးမြင့်မားတဲ့ဓါတ်ပုံများရိုက်ကူးပေးနိုင် ပါတယ်။ အရှေ့ဘက်မှာတော့ 16MP Camera တပ်ဆင် ထားပါတယ်။ Android Nougat အခြေပြု Flyme OS ထည့်သွင်းထားပါတယ်။ အနောက်ဘက်မှာ ၂ လက်မအရွယ် Super AMOLED Display ပါပါ တယ်။Pro 7 ကို ၄၃၀ ဒေါ်လာ၊ Pro 7 Plus ကို ၅၃၀ ဒေါ်လာသတ်မှတ် ထားပါတယ်။ မြန်မာငွေအားဖြင့်ကျပ် ၅၈၀ ၀၀၀ နဲ့ ကျပ်၇၂၀ ၀၀၀ ဝန်းကျင် အသီးသီးကျသင့်နိုင်ပါတယ်။

Source : Mobile Guide Journal