ပရိတ်သတ်တွေ ဆင်ဖြစ်ချင်အောင် လုပ်လိုက်တဲ့ နန်းခင်ဇေယျာ

ဆင်တွေနဲ့အတူ ဓါတ်ပုံရိုက်ဖူးလား ပရိတ်သတ်တို့ရေ ...

မြန်မာနိုင်ငံရဲ့ ပအို့ဝ် တိုင်းရင်းသူ Miss International Myanmar အလှမယ်လေး နန်းခင်ဇေယျာတစ်ယောက်ကတော့ ဆင်တွေနဲ့အတူ ပျော်ပျော်ရွှင်ရွှင်အလှပုံလေးတွေ ရိုက်ကူးထားတာကို တွေ့ရပါတယ် ။ ယဉ်ပါးနေတဲ့ ဆင်တွေနဲ့ အတူ ခပ်မိုက်မိုက်လေး ပို့စ် ပေးထားပုံတွေက အလန်းတွေပါပဲ ။ 

ဆင်တွေနဲ့ ရင်းရင်းနှီးနှီးဖြစ်နေပုံလေးကို

သဘောကျနေတဲ့ သူမရဲ့ ပရိတ်သတ်တွေက ဆင်တောင်ဖြစ်ချင်လာပြီ လို့ ၀ုိင်းဝန်းစနောက်နေကြတဲ့ထိ ပုံလေးတွေက သဘာဝကျကျလှပနေတာပါ ။ သဘာဝတရားနဲ့ အလှအပပေါင်းစပ်လိုက်တဲ့အခါ ပြည့်စုံတဲ့ ပုံရိပ်လေးတွေထွက်လာတာပေါ့ ။ 

နန်းခင်ဇေယျာကတော့ ငပလီမှာ သူငယ်ချင်းတွေနဲ့ သွားရောက်အပန်းဖြေနေတာဖြစ်ပြီး သူမရဲ့ ခရီးသွားပုံရိပ်လေးတွေကို လူမှုကွန်ယက်ကတဆင့် သူမရဲ့ ပရိတ်သတ်လေးတွေဆီ မျှဝေပေးနေတာပါ ။ နန်းခင်ဇေယျာ ကတော့ 2012 ခုနှစ်မှာ Miss International Myanmar Title ဆုကို ရရှိခဲ့ပြီးနောက် အနုပညာလောကထဲဝင်ရောက်လာခဲ့တဲ့သူပါ ။ ပရဟိတလုပ်ငန်းတွေကိုလည်း တတ်တတ်ကြွကြွ လုပ်ဆောင်တတ်သူဖြစ်ပြီး အနုပညာလှုပ်ရှားမှုအဖြစ် သရုပ်ဆောင်အလုပ်တွေအပြင် nonstop ဆိုတဲ့ သီချင်း Alblum လေးကိုပါ ဖြန့်ချိထားပါတယ် ။ 

သတင်းအရင်းမြစ် Nan Khin Zayyar