သင့်ရဲ့ နောက်ဆုံးထွက်သက်ကို ပြောပြနိုင်တဲ့နည်းပညာ

Google က အမွှာကုမ္ပဏီဖြစ်တဲ့ DeepMind ဟာကမ္ဘာ့ထိပ်တန်း ဉာဏ်ရည်တုနည်းပညာကုမ္ပဏီ ဖြစ်ပါတယ်။ ဉာဏ်ရည်တုနည်းပညာ ကလူသားများရဲ့ အသက်များစွာကိုကယ်တင်နိုင်ပါတယ်။ ဒီစီမံကိန်းကို ပြုလုပ်ဖို့အတွက် DeepMind က လူနာများအခြေအနေမဆိုးခင်မှာ ကြိုတင်ဟောကိန်းထုတ်နိုင်တဲ့ ဉာဏ်ရည်တုနည်းပညာကိုဖန်တီးနေပါ တယ်။ DeepMind က ဒီစီမံကိန်းအတွက် ကျန်းမာရေးသုတေသန အဖွဲ့အစည်း Veterans Administrations (VA) နဲ့ ပူးပေါင်းထားပါတယ်။ 

AI က လူနာများသေဆုံးနိုင်မယ့် အခြေအနေကို ကြိုတင်သိရှိတဲ့အတွက် စောစီးစွာဆေးကုသမှုများကို ပြုလုပ်နိုင်မှာ ဖြစ်ပါတယ်။ သာမန် အားဖြင့် သူနာပြုများနဲ့ ဆရာဝန်များဟာ အချိန်ပိုင်းအလိုက် လူနာများကိုစောင့်ကြည့် စစ်ဆေးပေးကြပါတယ်။ အဲဒီအတွက် လူနာများကိုအချိန်ပြည့် ဂရုမစိုက်နိုင် ကြပါဘူး။ အရေးကြီးတဲ့ လူနာအချို့အတွက်သာစောင့် ကြည့်စစ်ဆေးတဲ့ စက်များကိုအသုံးပြုကြပါတယ်။ ဉာဏ်ရည်တုနည်းပညာကတော့ လူနာ များကိုအချိန်ပြည့် စောင့်ကြည့်ပေးနိုင်ပါတယ်။ 

ကွန်ပျူတာများဟာလူသားများလိုမောပန်းခြင်းမရှိဘဲအချိန်ပြည့် အလုပ် လုပ်ပေးနိုင်တာကလည်းအားသာချက် ဖြစ်ပါတယ်။ အမေရိကန်မှာ လူသေဆုံးတဲ့ အကြောင်းအရင်းများထဲမှာကျန်းမာရေး ဝန်ထမ်းများရဲ့ အမှားကြောင့် သေဆုံးခြင်းဟာတတိယနေရာမှာရှိပါတယ်။ ဒီပြဿနာ ကိုဉာဏ်ရည်တုနည်းပညာကဖြေရှင်းပေးမှာ ဖြစ်ပါတယ်။

Source : Mobile  Guide Journal