ပရိတ်သတ်တွေနဲ့ ရင်းရင်းနှီးနှီးတွေ့တဲ့ ကွီးကစ်

ခုတလော ကစ်ကစ်လို့ ချစ်စနိုးခေါ်ကြတဲ့ ရွှေမင်းသမီးလေး ဝတ်မှုန်ရွှေရည်ကို မြင်နေကြပုံစံထဲက ကွဲထွက်ပြီးမြင်တွေ့နေရတာကို ပရိတ်သတ်တို့သတိထားမိကြမှာပါ ။ ဒါရိုက်တာ ဦးမီးပွားရိုက်ကူးတဲ့ " ရန်သူ " ရုပ်ရှင်ဇာတ်ကားကြီးပါ ပါဝင်သရုပ်ဆောင်တဲ့ မင်းသမီးလေး ဝတ်မှုန်ရွှေရည်က Tomboy ပုံစံ ကာရိုက်တာမို့ ဆံပင်တွေပါညှပ်ပြီး Mood သွင်းထားလိုက်တဲ့အခါ

မကြာသေးခင်အချိန်တွေကမှ မြင်ထားခဲ့တဲ့ မင်းသမီးချောလေး က ဘယ်ပျောက်သွားသလဲ လို့တောင် တွေးမိရလောက်အောင် ပီပြင်လွန်းလှပါတယ် ။ နေပုံထိုင်ပုံ စကားပြောပုံတွေကအစ တကယ့် Tomboy ချောချောလေးလိုဖြစ်နေတာမို့ တစ်မျိုးဆန်းနေတော့တာပါပဲ ။ သူမက ဘယ်လိုပုံပဲပြောင်းလဲသွားသွား သူမပရိတ်သတ်တွေကိုချစ်တာတော့ မပြောင်းမလဲ ချစ်နေဆဲဆိုတာကို ရိုက်ကွင်းကို လာရောက်အားပေးတဲ့ Fan တွေနဲ့ တွေ့ဆုံခဲ့တဲ့ ပုံရိပ်လေးတွေက သက်သေပြနေပါတယ် ။

Fan တွေနဲ့ ရင်းရင်းနှီးနှီး စကားပြော ဓါတ်ပုံတွေလဲ ရိုက်ပေးခဲ့ပေမယ့် Tomboy mood က မပျောက်တာမို့ ချစ်တဲ့ ကွီးကစ် ကလေးရယ်လို့ ပရိတ်သတ်တွေက ချစ်စနိုးခေါ်နေကြတော့တာပါပဲ ။ ရန်သူ ဆိုတဲ့ ရုပ်ရှင်ဇာတ်ကားကြီးကို ဒါရိုက်တာဦးမီးပွားက ရိုက်ကူးပြီး နေမင်း ဝတ်မှုန်ရွှေရည် နဲ့ နေခြည်ဦးတို့ကပါဝင်သရုပ်ဆောင်ထားတာပဲဖြစ်ပါတယ် ။ 

သတင်းအရင်းမြစ် Wut Mhone Shwe Yee