လွတ်လပ်ရေးနေ ့ (ပထမဆုံး) အခမ်းအနား

မြန်မာနိုင်ငံသည် ၄ ရက်နေ ့ ဇန်နဝါရီလ ၁၉၄၈ ခုနှစ် နံနက် ၄ နာရီ မိနစ် ၂၀ တွင် ဗြိတိသျှအစိုးရထံမှ လွတ်လပ်ရေးရရှိကာ `လွတ်လပ်သော ပြည်ထောင်စုမြန်မာနိုင်ငံ´ ဖြစ်လာပါသည်။

နံနက် ၄ နာရီအချိန်တွင် တိုင်းပြု ပြည်ပြု မျက်နှာစာရှိ အလံတိုင်ရှိရာ မြက်ခင်းပြင်သို ့ ယာယီသမ္မတ စဝ်ရွှေသိုက် ရောက်ရှိလာခဲ့ပါသည်။ သူနှင့်အတူ ကိုယ်ရံတော်ဗိုလ်များဖြစ်သော ကာနယ်မြင့်သိန်း - ကာနယ်ထင်စီတို ့အပြင် အတွင်းဝန် ဦးရွှေဘော် - အိမ်တော်ဝန် ဦးစံဖေတို ့ လိုက်ပါလာခဲ့ကြသည်။ ယာယီဝန်ကြီးချူ ပ် - ယာယီပါလီမန် လွှတ်တော်ဥက္ကဋ္ဌ - ယာယီဝန်ကြီးများလည်း တက်ရောက်ကြပါသည်။ ၎င်းပြင် တိုင်းမင်းကြီးများ - ရာထူးဝန်အဖွဲ ့ဥက္ကဋ္ဌနှင့် အဖွဲ ့ဝင်များ- နိုင်ငံခြားအထူးသံတမန်များ- ရာဇဝတ်တရားသူကြီးများ စုရုံးရောက်ရှိခဲ့ပါသည်။

စည်တော်ရွမ်းလိုက်ချိန်တွင် နိုင်ငံတော်ယာယီသမ္မတ စဝ်ရွှေသိုက်သည် အဆောင်အယောင်များဖြင့် ဆင်ဝင်ရှေ ့သို ့ ထွက်လာခဲ့ပါသည်။ ထို ့နောက် စည်တော်ရပ်သွားပြီး ကရင်အမျိူ းသားတပ်၏ ဘင်ခရာသံနှင့်အတူ သမ္မတက ဗမာ့တပ်မတော်- ဗမာ့ရေတပ်- ဗမာ့လေတပ်- သောင်းကျန်းမှုနှိမ်နင်းရေးတပ်- ဗမာ့လက်နက်ကိုင် ပုလိပ်တပ်ဖွဲ ့တို ့အား တစ်တပ်ပြီးတစ်တပ် လိုက်လံစစ်ဆေးခဲ့သည်။ ထိုအချိန်ထိ အလံတိုင်ထိပ်မှ ယူနီယံဂျက်အလံသည် ဆောင်းလေကြောင့် တဖျပ်ဖျပ် လှုပ်ရှားနေဆဲဖြစ်သည်။

နံနက် ၄ နာရီ ၁၉ မိနစ်တွင် ပရိသတ်အားလုံး ငြိမ်ကြရန် မီးရောင်အချက်ပေးပါသည်။ အလံတိုင်၏ အရှေ ့ဘက်နှင့် အနောက်ဘက်တွင် အသီးသီးရပ်နေကြသော ဗာမင်ဟမ်စစ်သင်္ဘောမှ အရာရှိနှစ်ဦးနှင့် ဗမာ့ရေတပ်မတော်မှ အရာရှိနှစ်ဦးတို ့က အခါတော်ပေး အမြောက်သံကို နားစွင့်နေကြသည်။ နံနက် ၄ နာရီ မိနစ် ၂၀တိတိတွင် ရန်ကုန်မြစ်ဆိပ်၌ ဆိုက်ကပ်ထားသော ဗာမင်ဟမ်စစ်သင်္ဘောမှ အမြောက်ပစ်ဖေါက် အချက်ပေးလိုက်ပါသည်။ ထိုအခါမှ ဘင်ခရာတပ်ဖွဲ ့က စတင်တီးမှုတ်လိုက်သည်။

ယူနီဂျက်အလံက တဖြည်းဖြည်း တိုင်ထိပ်မှ ကျလာသည်။ အင်္ဂလိပ်ဘုရားရှိခိုးကျောင်းများမှ ခေါင်းလောင်းသံများ - ဥသြဆွဲသံများ ဆူညံသွားခဲ့ပါသည်။ သေနတ်ပစ်ဖေါက်သံ - ဗြောက်အိုးဖောက်သံများနှင့်အတူ ကောင်းကင်ပြင်တစ်ခုလုံး မီးရှူ းမီးပန်းများဖြင့် လင်းထိန်သွားပါသည်။ ယူနီယံဂျက်အလံကို ရုပ်သိမ်းလိုက်ပြီဖြစ်သည်။

ဗြိတိသျှအစိုးရ၏ ယူနီယံဂျက်အလံကို ချလိုက်သည်နှင့် တစ်ပြိုင်နက် ဗမာ့ရေတပ်မှ စောချစ်စိန်က ပြည်ထောင်စု မြန်မာနိုင်ငံတော်အလံကို တိုင်ထိပ်သို ့ကြိုးဖြင့် ဆွဲတင်လွှင့်ထူလိုက်ပါသည်။ ထိုစဉ် စစ်တီးဝိုင်းမှ မြန်မာနိုင်ငံတော်သီချင်းကို တီးမှုတ်ပေးနေပါသည်။ အလံတော် တိုင်ထိပ်သို ့ ရောက်သည်နှင့် တစ်ပြိုင်နက် ပုဏ္ဏားတော်များက ခရုသင်း မှုတ်လိုက်ကာ မင်းပရိသတ်အပေါင်းက မြန်မာနိုင်ငံတော်အလံကို အလေးပြုကြသည်။ စည်တော်ကလည်း ရွမ်းလျက် ရှိနေသည်။ (ဆက်ပါဦးမည်)

ရေးသားသူ - ကိုအောင်ကျော်မိုး

ကိုးကား - တင်နိုင်တိုး ရေး ဆောင်းပါးတစ်ပုဒ်…