ငါးတန်းကျောင်းသူ သားမယားပြုကျင့်ခံရ

မကွေးတိုင်းဒေသကြီး မြိုင်မြို့နယ်၊ ပျဉ်းဝင်းကျေးရွာနေ အမျိုးသမီးတစ်ဦးက ဇန်နဝါရီ တစ် ရက်က ၎င်း၏သမီးဖြစ်သူ အဓမ္မပြုကျင့်ခံရမှုနှင့် ပက်သက်၍ ဇန်နဝါရီ နှစ် ရက်တွင် တိုင်ကြားအမှုဖွင့်ခဲ့ကြောင်း ဗဟင်းနယ်မြေ ရဲစခန်းမှသိရသည်။

ဖြစ်စဉ်မှာ မြိုင်မြို့နယ်၊ ပျဉ်းဝင်းကျေးရွာနေဒေါ်ညိုရင်၊ ၄၈နှစ်သည် ဇန်နဝါရီ(၁)ရက်နေ့ ညနေ(၄)နာရီအချိန်က ထင်းခွေသွားသောသမီးဖြစ်သူ မ-------၊၁၅နှစ်၊၅တန်းကျောင်းသူမှာ နေအိမ်သို့ ပြန်လည်ရောက်ရှိလာခြင်းမရှိခဲ့သဖြင့် လိုက်လံရှာဖွေခဲ့ရာ ရွာ၏မြောက်ဘက်(၁)မိုင်ခန့် အကွာရှိ စုံတောစပ်တွင် သမီးဖြစ်သူမ------အား ထိုင်ငိုနေသည်ကိုတွေ့ရှိခဲ့၍ မေးမြန်းခဲ့ရာ မ------မှာ ထင်းခြောက်များ ကောက်နေစဉ် တစ်ရွာတည်းနေ ဖိုးဇော်(ခ)ဇော်လင်း၊၃၃နှစ်ရောက်ရှိလာပြီး ခြုံတောထဲ လိုက်ခဲ့ရန်ခေါ်ရာ မလိုက်သဖြင့် မ------ယူ ဆောင်လာသောပုဆိုးဖြင့် မ-------၏လက်နှစ်ဖက်အားချည်နှောင်ကာ ဆွဲခေါ်ပြီး တည်ပင်ခြံုတောစပ်

အရောက်တွင် မ---------၏အကျင်္ ီ၊လုံချည်တို့အားဆွဲချွတ်၍ သားမယားအဖြစ်(၁)ကြိမ်ပြုကျင့်ခဲ့ကြောင်းပြောပြသိရှိခဲ့ခြင်းဖြစ်ကြောင်း တရားလို၏ တိုင်ကြားချက်အရသိရသည်။

ဖြစ်စဉ်နှင့်ပက်သက်၍ သမီးဖြစ်သူအား အလိုမတူဘဲ သားမယားပြုကျင့်သူ ဖိုးဇော်(ခ)ဇော်လင်း အား အရေးယူပေးရန် ဇန်နဝါရီ(၂)ရက်နေ့တွင် ဒေါ်ညိုရင်မှ တရားလိုပြုတိုင်ကြားခဲ့သောကြောင့် မြိုင်မြို့နယ်၊ ဗဟင်းနယ်မြေ ရဲစခန်းက (ပ)၂/၂၀၁၇၊ရာဇသတ်ကြီးပုဒ်မ ၃၇၆ဖြင့် အမှုဖွင့်ထားသည်။

ရတနာပုံ သတင်းစာ