ပထမနှစ်တက္ကသိုလ်ကျောင်းသူအား ရည်းစားဖြစ်သူမှ လက်ပြန်ကြိုးတုပ်ကာ မြစ်ထဲသို့ပစ်ချ

အသက်၁၉နှစ်အရွယ် ပထဝီဘာသာရပ် ပထမနှစ်ကျောင်းသူအား ရည်းစားဖြစ်သူနှင့်ချိန်းတွေ့စဉ် ဝတ်ဆင်ထားသည့်နားကပ်ကို ဓားပြခြိမ်းခြောက်တောင်းခဲ့ပြီး ဖုန်းအားသွင်းကြိုးနှင့်လက်နောက်ပြန်ချည်ပြီး ကမြောကင်းတံတားပေါ်မှ ထားဝယ်မြစ်အတွင်းသို့ပစ်ချခဲ့ကြောင်းသိရသည်။

ရေထဲတွင် အမျိုးသမီးဖြစ်သူ၏လက်မှ ကြိုးပြေသွားပြီး ရေကူးနေစဉ် အနားရှိစက်လှေတစ်စီးမှ ကယ်တင်ပေးခဲ့ကြောင်းသိရသည်။

ကျူးလွန်ခဲ့သည့်အမျိုးသားအား လောင်းလုံးမြို့နယ် အင်းဇောက်ရွာတွင် စက်တင်ဘာ၁၈ရက်က ဖမ်းဆီးရခဲ့ပြီး ရာဇသတ်ကြီး ပုဒ်မ ၃၈၄ဖြင့် ထားဝယ်မြို့မစခန်းတွင် အမှုဖွင့်ထားကြောင်းသိရသည်။

Source : The Voice

Alexa