မိန်းကလေးတိုင်းရဲ့ အိပ်မက်ထဲက အခန်းလေးကို ပိုင်ဆိုင်ထားတဲ့ နန်းဆုရတီစိုး

ရွှေမင်းသမီးချောလေး နန်းဆုရတီစိုးကတော့ ပရိတ်သတ်တွေရဲ့ အချစ်တော်မင်းသမီးလေးတစ်ယောက်ဖြစ်သလို ချစ်သူဖြစ်တဲ့ GFatt နဲ့ တွဲပြီးတော့လည်း စုံတွဲလိုက်အားပေးတဲ့ ပရိတ်သတ်တွေ အခိုင်အမာရှိနေတာပါ ။ ဘိုမရုပ်လေးလို ချောမောလှပတဲ့မင်းသမီးလေးက ဖက်ရှင်ကျသူလေးတစ်ဦးလည်းဖြစ်ပြန်ပါတယ် ။ အချိုးအစားကျနတဲ့ ကိုယ်လုံးလေးနဲ့ သူမဝတ်သမျှက ပွဲတိုင်းမှာ ထင်ပေါ်နေစေပါတယ် ။ 

ဖက်ရှင်အမျိုးမျိုးနဲ့ အနုပညာအလုပ်တွေ မအားလပ်အောင် လုပ်နေရတဲ့ မင်းသမီးလေးမှာ ဖက်ရှင်အသုံးအဆောင် အဝတ်အထည်တွေအများကြီးရှိမယ်ဆိုတာတော့ လူတိုင်းသိပြီးသားပါ ။ ဒါပေမယ့် အဲဒီပစ္စည်းတွေထားတဲ့အခန်းကို မင်းသမီးလေးက ပြလိုက်ချိန်မှာတော့ ပရိတ်သတ်တွေ အားကျသွားခဲ့ရပါတယ် ။ ပစ္စည်းတွေကို ဘီဒိုလှလှလေးတွေနဲ့ စနစ်တကျ သိမ်းဆည်းထားပုံတွေက မိန်းကလေးတိုင်းရဲ့ အိပ်မက်ထဲက အခန်းလေးလိုပဲ လှပနေလို့ပါ ။ 

" အလုပ်တွေရှုပ်ခရီးတွေဆက်နေလို့ Dressing room လေးမရှင်းဖြစ်တာကြာပြီး အခုမှ ပြန်ရှင်းဖြစ်တယ်.. ကိုယ့်ဟာကိုယ် ရှင်းပြီးသဘောတွေကျနေမိတုန်း ဒီဇိုင်းဆွဲပေးတဲ့ comet interior decoration ကို ကျေးဇူးတင်စကားမတင်ပေးရသေးလို့ အခုမှရိုက်ပြီးတင်ရတယ်.. Hee hee ဆက်ဆံရေးကောင်း သဘောကောင်းပြီး စေတနာပါပါနဲ့ နန်းဆုစိတ်တိုင်းကျကို စိတ်ရှည်စွာ လုပ်ဆောင်ပေးတဲ့အတွက် comet ကို ကျေးဇူးအများကြီးတင်ပါတယ်ရှင့် " ဆိုပြီး နန်းဆုက သူမရဲ့ အခန်းပုံလေးတွေကို ပြခဲ့တာပါ ။

ဒီလိုအခန်းမျိုးလေးကို လိုချင်တဲ့ မိန်းကလေးတွေ ရှိလား လို့မေးရင်တော့ Admin ကတော့ လိုချင်တဲ့နေရာမှာ ထိပ်ဆုံးကပဲနေမှာ ။ ဒါကလည်း မိန်းကလေးတွေရဲ့ အိပ်မက်တစ်ခုပဲလေနော် ။ 

သတင်းအရင်းမြစ် Nan Su Yati Soe