စည်းပျက်ကမ်းပျက် မောင်းနှင့်ခဲ့သော ရလဒ်က အပြစ်မဲ့ကလေးငယ်အားသေဆုံးစေခဲ့
ကရင်ပြည်နယ်၊ဘားအံမြို့နယ်၊ဘားအံ-ဇာသပြင်အဖြောင့်လမ်း
ဇန်နဝါရီလ ၁၀ ရက်နေ့ညနေပိုင်းက လမ်းမပေါ်၌အချက်ပြမီးလဲမ
ဖွင့်၊လမ်းဘေးလည်းမချဘဲ လမ်းလယ်တွင်ထော်လာဂျီအားရပ်ထား
ခဲ့ရာမှ အရှိန်ဖြင့်မောင်းနှင်လာသည့်ဆိုင်ကယ်မှာ အရှိန်မထိန်းနိုင်ဘဲဝင်တိုက်မိ၍ ကလေးငယ်(၁)ဦးသေဆုံးသွားခဲ့ကြောင်းသိရ
သည်။
ဖြစ်စဉ်မှာ ဇန်နဝါရီလ (၁၀)ရက်နေ့ ညနေ(၇)နာရီ၊မိနစ်(၃၀)
အချိန်ခန့်တွင် ဘားအံ-ဇာသပြင်အဖြောင်းလမ်း၌ယာဉ်တိုက်မှုဖြစ်
ပွားကြောင်းသတင်းအရ ထုံးအိုင်နယ်မြေရဲစခန်းမှူ း ရဲအုပ်ညီညီမိုး
ဦးစီးအဖွဲ့မှ သက်သေများနှင့်အတူ သွားရောက်စစ်ဆေးခဲ့ရာ
ဘားအံ-ဇာသပြင်အဖြောင့်လမ်းအတိုင်း ဘားအံဘက်မှ ဇာသပြင်
ဘက်သို့ ကဲစပါး(ကျား)၂၂နှစ်၊ (ဘ)ဦးကရနား၊ တောကြီးရွာနိုင်ကျေးရွာ၊
ဘားအံမြို့နယ်နေသူမောင်းနှင်ပြီးရှေ့မှ တူမဖြစ်သူမမိညောင်၊
(၂)နှစ်ခွဲအရွယ်(လိပ်စာတူ)လိုက်ပါလာသော ၃၉/ယ xxxxx
(နံပါတ်တပ်)Honda Dream-125၊နက်ပြာရောင်ဆိုင်ကယ်
သည် ဘားအံမြို့နယ်၊ကော့တရုတ်ရကျေးရွာအနီးမိုင်တိုင်အမှတ်
(၂/၃)နှင့်(၃/၃)ကြားအရောက် ယာဉ်ကြောတစ်ကြောတည်းရှေ့
မှ အချက်ပြမီးမဖွင့်၊လမ်းဘေးမချဘဲ လမ်းပေါ်ရပ်ထားခဲ့သော
(၃ဌ/xxx )နံပါတ်တပ်၊ အပြာရောင်ထော်လာဂျီယာဉ်အား
ဝင်ရောက်တိုက်မိခဲ့ခြင်းဖြစ်ကြောင်း စစ်ဆေးသိရှိခဲ့ရသည်။
ယာဉ်တိုက်မှုကြောင့် ဆိုင်ကယ်မောင်းသူ ကဲစပါးတွင်လည်ပင်း
၊ မေးစေ့ ၊ဝဲနဖူး၊ ဝဲပေါင်တို့၌ပေါက်ပြဲဒဏ်ရာများအသီးသီးရရှိခဲ့ပြီး
ရှေ့မှလိုက်ပါသည့် မမိညောင်(၂)နှစ်ခွဲမှာ ဦးခေါင်းခွံလန်၊ဦးနှောက်
ထွက်ဒဏ်ရာများဖြင့် အခင်းဖြစ်နေရာတွင် သေဆုံးသွားပြီး ဘားအံ
ဆေးရုံကြီးတွင်ရဲဆေးစာဖြင့်ပို့ဆောင်ထားရှိကြောင်းသိရသည်။
ထို့နောက် စခန်းမှူ းရဲအုပ်ညီညီမိုးမှ အချက်ပြမီးမဖွင့်၊လမ်းဘေးမချဘဲ လမ်းပေါ်ရပ်ထားခဲ့သောထော်လာဂျီမောင်း(စုံစမ်းဆဲ)နှင့်
ဆိုင်ကယ်အား မဆင်မခြင်မောင်းနှင်သူ ကဲစပါး(ကျား)တို့(၂)ဦးအား
ထုံးအိုင်နယ်မြေရဲစခန်းတွင် ယာဉ်(ပ)၄/၂၀၁၇၊ ရာဇသတ်ကြီး
ပုဒ်မ ၃၀၄-က/၃၃၈/၃၃ရဖြင့်အမှုရေးဖွင့်ပြီး ဥပဒေနှင့်အညီ
ဆက်လက်စစ်ဆေးဆောင်ရွက်လျှက်ရှိကြောင်း ထုံးအိုင်နယ်မြေ
ရဲစခန်းမှသိရသည်။
Credit - ဘားအံသတင်း
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။