ပဉ္ဇလက်ရွှာဇာတ်ကားကြီးမှာ ဆံရစ်ဝိုင်းလေးနဲ့ စက်စက်ယိုရွှာသူလေးရေဝတီအဖြစ်နဲ့ ပရိသတ်တွေ ဖမ်းစားသွားခဲ့ ချစ်စရာကောင်မလေးက တော့ ပရိသတ်အချစ်တော် နန်းစန္ဒာလှထွန်းပဲ ဖြစ်ပါတယ်။သူမကတော့ Miss World Myanmar ၂၀၁၅ ရဲ့ 2nd Runner up ဆုရှင်လေးအဖြစ်နဲ့ ပရိသတ်တွေသတိထားမိခဲ့ရာမှ ပဉ္ဇလက်ရွှာရုပ်သံဇာတ်လမ်းတွဲလေးမှာတော့ သူမရဲ့ထူးခြားတဲ့ သရုပ်ဆောင်ချက်တွေနဲ့ ပိုပြီးလူသိများလာကာ ပရိသတ်တွေကြားရေပန်းစားလာတာပဲ ဖြစ်ပါတယ်။အမြဲတမ်းဖြူစင်အေးချမ်းတဲ့ အပြုံးလေးတွေနဲ့ ရှုှုတိုင်းယဉ်လေးဖြစ်တဲ့ သူမကို ပရိသတ်တွေ အချစ်ပိုနေကြရတာပဲ ဖြစ်ပါတယ်။

လက်ရှိမှာတော့ တောင်ကြီးသူလေး သူမဟာ မွေးရပ်မြေမှာရှိတဲ့ သူမရဲ့ မေမေအိမ်ကို ပြန်လည်ရင်း ခရီးလေးတွေထွက်ဖြစ်နေပါတယ်။နွေးထွေး ရဲ့ အမေအိမ်လေးကိုပြန်ခွင့်ရလို့ ပျော်ရွှင်နေတဲ့ သူမရဲ့ ချစ်စရာပုံရိပ်လေးတွေကိုလည်း လူမှုကွန်ယက်မှာ မျှဝေထားပါတယ်။ဒီနေ့မှာတော့ ကလောကိုသွားရောက်လည်ပတ်နေတယ်လို့ သိရပါတယ်။ကလောမြို့ကြီးရဲ့ သဘာဝရှု့ခင်းအလှတွေနဲ့ အပြိုင်လှနေတဲ့ ပုံရိပ်လေးတွေ တင်ခဲ့တာ ကြောင့် ပရိသတ်တွေ အရမ်းကို အချစ်ပိုနေကြပါတယ်။

သူမကတော့ လက်ရှိမှာ အရိပ်ဆိုတဲ့ရုပ်သံဇာတ်လမ်းလေးမှာ သက်သက်ဆိုတဲ့ ဇာတ်ကောင်လေးကနေ ပါဝင်သရုပ်ဆောင်ထားပါတယ်။ပဉ္ဇလက်ရွှာဇာတ်ကားကြီးမှာ ရေဝတီကိုချစ်ခဲ့ရသလို အရိပ်ဇာတ်ကားမှာလည်း သက်သက်ဆိုတဲ့ သူနာပြုဆရာမလေးကိုပရိသတ်တွေအချစ်ပိုနေကြရပြန်ပါတယ်။ချစ်စရာကောင်းတဲ့ သူမရဲ့ခရီးသွားပုံရိပ်လေးတွေကိုလည်း ပရိသတ်တွေအတွက် မျှဝေပေးလိုက်ပါတယ်နော်။

သတင်းအရင်းအမြစ် - နန်းစန္ဒာလှထွန်း 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။